13.01.2026 | 10:49
Նախատեսվում է՝ Միրզոյանն ու Ռուբիոն «ԹՐԻՓՓ»-ի կենսագործման շրջանակի վերաբերյալ համատեղ հայտարարությամբ հանդես կգան
Փաստաբանի մոտ հայտնաբերվել են թմրամիջոցների նմանվող զանգվածներ․ նա ձերբակալվել է․ՔԿԾ
Հասարակություն
12.01.2026 | 15:12
Քրեակատարողական ծառայությունից հայտնում են, որ «Վանաձոր» տարածքային բաժնում օպերատիվ տեղեկություններ էին ստացվել այն մասին, որ փաստաբանը տեսակցության ընթացքում պատրաստվում է թմրամիջոց փոխանցել իր վստահորդին։ Տեղեկությունները հաստատվել են, փաստաբանը ձերբակալվել է։
«Իրացնելով ստացված օպերատիվ տեղեկությունները, ծառայողները հունվարի 10-ին խուզարկության են ենթարկել «Վանաձոր» քրեակատարողական հիմնարկ իր վստահորդին այցելած փաստաբանին, ինչի արդյունքում վերջինիս մոտ գտնվող պայուսակից հայտնաբերվել է ծխախոտի տուփ, որի մեջ առկա են եղել 8 առանձնացված փաթեթներ։
Փաթեթների զննությամբ դրանցում հատնաբերվել են ընդհանուր՝
21,9 գրամ քաշով մարիխուանա տեսակի թմրամիջոցին նմանվող զանգված,
2,9 գրամ քաշով փոշենման, դարչնագույն զանգված,
0,8 գրամ քաշով սպիտակ, փոշենման և բյուրեղանման զանգված:
Փաստաբանը ձերբակալվել է օպերատիվ ծառայողների կողմից և հայտնաբերվածի հետ միասին ներկայացվել ՀՀ ՔԿ Լոռու մարզային քննչական վարչություն»,- ասված է հաղորդագրությունում։
