12.01.2026 | 17:37
Կոպիրկինը կանչվել է ՀՀ ԱԳՆ՝ Սոլովյովի հայտարարությունից հետո
Ուրբաթ օրվանից Իրանից տեղեկություն չունենք, դա մեզ շատ է անհանգստացնում․ Սինանյան․ ՏԵՍԱՆՅՈՒԹ
Քաղաքականություն
12.01.2026 | 12:21
«Իրանից մենք ուրբաթ օրվանից տեղեկություն չունենք, այս պահին էլ մենք չենք կարողանում կապվել մեր հայրենակիցների հետ, որը մեզ շատ է անհանգստացնում»,- այս մասին հրավիրված ասուլիս ժամանակ հայտարարել է ՀՀ սփյուռքի գործերի գլխավոր հանձնակատար Զարեհ Սինանյանը։
«Նման դեպք երբ եղավ 12-օրյա պատերազմի ընթացքում, եթե հիշում եք Իսրայելի և Իրանի միջև, մենք սկսեցինք, ռեսուրս ձեռք բերեցինք սահմանին՝ Մեղրիում, և այնտեղ սահմանը անցնող մեր հայրենակիցների միջոցով էինք ինֆորմացիան սկսում ստանալ։ Երևի նույն բանը հիմա պիտի այսօրվանից սկսենք անել այնտեղ, որովհետև այս տեղեկատվական դադարը մեզ շատ է անհանգստացնում»,- նշել է նա։
Հիշեցնենք՝ Իրանում բողոքի ցույցերը սկսվել են 2025-ի վերջին ազգային արժույթի՝ ռիալի արժեզրկման ֆոնին։ Իրանի իշխանությունները դաժանաբար ճնշում են բողոքի ակցիաները․ Human Rights Activists in Iran և Human Rights Activist News Agency (HRANA)-ի թարմացված տվյալների համաձայն՝ վերջին 15 օրերի ընթացքում տեղի ունեցած ցույցերի ժամանակ զոհվել է առնվազն 544 մարդ, այդ թվում՝ 8 երեխա։
Մանրամասները՝ տեսանյութում։
