11.01.2026 | 16:19
ԱՄՆ-ը կհանեն Վենեսուելայի նկատմամբ կիրառվող որոշ պատժամիջոցներ՝ նավթի վաճառքը հեշտացնելու համար․ ԱՄՆ ֆինանսների նախարար
ՔՊ-ն թռվռում է ռաբիսի տակ, ընդդիմությունն անհաջող կատակներ է անում, դիսկուրսի ցածր մակարդակ է. Արծրունի. ՏԵՍԱՆՅՈՒԹ
Քաղաքականություն
10.01.2026 | 19:00
«Լյուստրացիան Նիկոլ Փաշինյանի նախընտրական թեզերից մեկն էր, թե ով ում գործակալն էր՝ կարելի էր բացահայտել իշխանության գալու առաջին, իսկ ամիսներին: Դա կլիներ հասարակության ինքնամաքրման ամենակարճ ճանապարհը: Մինչդեռ իշխանությունը որոշել է միայն կետային լյուստրացիայի գնալ»,-Factor TV-ի հետ զրույցում տեսակետ է հայտնում կոմպոզիտոր, երգիչ Վահան Արծրունին՝ անդրադառնալով իշխանություն-եկեղեցու վերնախավ օր օրի սրվող հակամարտությանը:
Նրա խոսքով՝ ՀՀ սահմանադրությունը, որը Փաշինյանը խոստացել էր փոխել, երբ եկել էր իշխանության, հիմա երաշխավորում է իր բոլոր գործողությունները. «Վարչապետը դառնում է անկառավարելի, նրան սահմանափակելու լծակներ չկան, օրինակ՝ լծակ, որը կսահմանափակեր նրան ԱԺ-ում մատ թափ տալով բամբասանքներ տարածելու հարցում: Մենք տեսնում ենք հանրության բևեռացումը, Փաշինյանը դրա վարպետն է, նա կարողանում է ստեղծել խիստ հակասական իրավիճակներ, որոնք բերում են հասարակության պառակտմանը, տրամադրությունների հսկայական բևեռացման»:
Վահան Արծրունու բնորոշմամբ՝ հայաստանյան հասարակությունն այժմ չի կարող ճշգրիտ վերաբերմունք դրսևորել քաղաքական գործընթացների նկատմամբ. «Հասարակության վիճակը ողորմելի է, կողմնորոշված չէ ոչ միայն արտաքին, այլև ներքին հարցերում, մոլորված է, չեզոք, ընտրությունից ընտրություն տեսնում ենք, որ հանրության հսկայական հատված իրեն հեռու է պահում կեղտից»:
Մանրամասները՝ տեսանյութում:
Աննա Բաբաջանյան
