10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Քաղաքապետարանը «ԳԼՈԲԲԻՆԳ»-ին ինքնասպասարկող սարքի տեղադրման թույլտվություն է տրամադրել
08.01.2026 | 16:15
Երևանի քաղաքապետարանը «ԳԼՈԲԱԼ ՇԻՓՓԻՆԳ» սահմանափակ պատասխանատվությամբ ընկերությանը Երևանում ավտոմատ ինքնասպասարկող սարք տեղադրելու թույլտվություն է տվել։
Factor.am-ը տեղեկանում է, որ ընկերության տնօրեն Շուշանիկ Հարությունյանն է դիմում գրել և Երևանի ավագանու 2024 թվականի դեկտեմբերի 24-ի թիվ 249-Ն որոշման հիման վրա տրվել է համապատասխան թույլտվություն։
Մասնավորապես, «ԳԼՈԲԱԼ ՇԻՓՓԻՆԳ» ՍՊԸ-ին թույլատրվել է 2025 թվականի դեկտեմբեր ամսվա ընթացքում Երևան համայնքի վարչական տարածքում՝ Քըրք Քըրքորյան փողոցի 29/14 հասցեի դիմաց, տեղադրել մեկ ավտոմատ ինքնասպասարկող սարք՝ շենքերից և շինություններից դուրս առևտուր իրականացնելու կամ ծառայություններ մատուցելու նպատակով։
Քաղաքապետի որոշման մեջ նշվում է նաև, որ «ԳԼՈԲԱԼ ՇԻՓՓԻՆԳ» ՍՊԸ-ի գործունեության նկատմամբ վերահսկողություն կիրականացնի Երևանի քաղաքապետարանի աշխատակազմի առևտրի, ծառայությունների և գովազդի վարչության պետը՝ ապահովելով Երևանի ավագանու թիվ 249-Ն որոշման պահանջների կատարումը։
«ԳԼՈԲԱԼ ՇԻՓՓԻՆԳ» ընկերությունը նույն «ԳԼՈԲԲԻՆԳ» ընկերությունն է․ անունը փոխվել է 2020 թվականին։ Ընկերության սեփականատերը Շուշանիկ Հարությունյանն է։
Արփի Հակոբյան
