Քաղաքականություն
08.01.2026 | 15:23«Հավատում էի, որ ահա Հայաստանում տեղի են ունեցել քաղաքական վերափոխումներ, ժողովրդավարություն, և կարելի է ազգային նպատակների շուրջ համախմբել սփյուռքի ներուժը։ Հետո սփյուռքը, սփյուռքի ներկայացուցիչները իրենք ինձ ուշադրություն հրավիրեցին մի փաստի վրա։ Ասացին՝ եկեք նայենք 1992 թվից մինչև 2018 թվականը Հայաստան համահայկական հիմնադրամը ինչքա՞ն է հավաքել և Հայաստանում ինչքա՞ն ներդրում է արել։ Հետո պարզվեց, որ այդ ամեն ինչը, իրականում, մեր բոլորի մոլորությունն է»,- այս մասին լրագրողների հետ ճեպազրույցի ժամանակ նշեց վարչապետ Նիկոլ Փաշինյանը՝ խոսելով Սամվել Կարապետյանի, Ռուբեն Վարդանյանի վերաբերյալ Ստեփանակերտում իր արած հայտարարությունների մասին։
Նրա խոսքով՝ երկրում կա տնտեսական հետաքրքրություն՝ կլինի ներդրում, չկա տնտեսական հետաքրքրություն՝ չի լինի ներդրում։
«Իսկ ինչ վերաբերում է ձեր նշած բարերարին (Սամվել Կարապետյանին-խմբ․), այդ նշած բարերարը թող էլեկտրաէներգիա ապահովեր։ Այդ իմ ասած մեխանիզմների գործարկմամբ է, որ գումարներ են գեներացվել, այսպես ասած, բարերարության համար։ Ոչ մեկ իր հաշվին բարերարություն չի արել։ Այդ բոլոր բարերարությունները արվել են մեր հաշվին՝ սպառողների հաշվին։ Էլեկտրաէներգիայի մատակարարման մանիպուլյացիաների արդյունքում յուրացումների և գումարներ ձեռք բերելու, վարկեր վերցնելու տոկոսներով և տոկոսները մեր հաշվին փակելու հաշվին։ Ոչ մի բարերար էլ չկա, մոլորություն է եղել դա»,- եզրափակեց նա։
Մանրամասները՝ տեսանյութում։
