Նիկոլ Փաշինյանին հեծանվային սաղավարտ են նվիրել

Վարչապետ Նիկոլ Փաշինյանը տարին սկսել է նախորդ ամիս ստացած նվերները հայտարարագրելով։

Veloman eBike-Center կենտրոնի տնօրեն Վարդան Աբրահամյանը Abus Hyp-E Signal Yellow ki հեծանվային սաղավարտ է նվիրել Փաշինյանին։ Նա պաշտոնական այցով մեկնել էր Գերմանիայի Դաշնային Հանրապետություն, որի շրջանակներում հանդիպում է ունեցել Համբուրգի հայ համայնքի ներկայացուցիչների հետ: Սաղավարտի արժեքը կազմել է 86,000 դրամ։

Համբուրգի քաղաքապետ Պետեր Չենչերը «Greggio ltaly» ապրանքանիշի արծաթե զարդատուփ է նվիրել Փաշինյանին։ Նվերի արժեքը ստացողի կողմից գնահատվել է 108,675 դրամ։

Ուզբեկստանի նախագահ Աբդուլա Արիպովը փորագրված փայտե նկար է նվիրել Փաշինյանին։ Նկարագրության մեջ նշվում է, որ ձեռագործ աշխատանք է, պատրաստված է կաշվից և բնական ներկերից։ Կոմպոզիցիան զարդարված է ավանդական դեկորատիվ նախշերով՝ արտացոլելով Ուզբեկստանի հարուստ գեղարվեստական ժառանգությունը։

Վարչապետ Նիկոլ Փաշինյանը նվերը ստացել է աշխատանքային այցով Ռուսաստանի Դաշնությունում գտնվելու ժամանակ, որտեղ մասնակցել է Եվրասիական միջկառավարական խորհրդի նիստին:

Նվերի արժեքը Փաշինյանը 81,566 դրամ է գնահատել։

Հիշեցնենք, որ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:

Անի Թամրազյան