ԲԸՏՄ-ին գերժամանակակից ԱԹՍ է տրամադրվել 

Բնապահպանության և ընդերքի տեսչական մարմնից հայտնում են, որ իրենց անօդաչու թռչող սարք և այն սպասարկող անհրաժեշտ տեխնիկական միջոցներ են տրամադրվել, ինչը հնարավորություն կտա արագ արձանագրել ապօրինի գործունեության դեպքերն ու ապահովել տվյալների առավել ճշգրիտ և ամբողջական հավաքագրում։

«Բնապահպանության և ընդերքի տեսչական մարմնի ու Կովկասի բնության հիմնադրամի (CNF) համագործակցության շրջանակներում այս անգամ ԲԸՏՄ-ին է նվիրաբերվել DJI Matrice 30T տեսակի ժամանակակից անօդաչու թռչող սարք և այն սպասարկող անհրաժեշտ տեխնիկական միջոցներ։

DJI Matrice 30T անօդաչու թռչող սարքը հագեցած է ջերմատեսիլ և բարձր լուծաչափի տեսախցիկներով, ինչը հնարավորություն կտա արագ արձանագրել ապօրինի գործունեության դեպքերն ու ապահովել տվյալների առավել ճշգրիտ և ամբողջական հավաքագրում։

Նորագույն տեխնոլոգիական սարքերի կիրառումը՝

· դյուրացնում է դժվարամատչելի ու հեռավար տարածքների մշտադիտարկումները,

· վարչարարության շրջանակում նպաստում է հիմնավոր ապացուցողական շտեմարանի հզորացմանը,

· նվազեցնում է մարդկային ու ժամանակային ռեսուրսների ծախսերը։

Ընդերքօգտագործման, կենսաբազմազանության, մթնոլորտային օդի և ջրային ռեսուրսների պահպանության ոլորտներում վերջին 3 տարում անօդաչու թռչող սարքերի կիրառումը զգալիորեն նպաստել է վերահսկողական, բնապահպանական ռիսկերի կանխարգելման ու օպերատիվ արձագանքման աշխատանքների արդյունավետության բարձրացմանը։

Տեսչական մարմինը կարևորում է Կովկասի հիմնադրամի հետ ձևավորված բազմամյա համագործակցությունը և բարձր է գնահատում նման աջակցությունը, որը միտված է պետական վերահսկողության համակարգի տեխնիկական հագեցվածության և արդյունավետության շարունակական բարելավմանը»,- ասված է հաղորդագրությունում։