Հասարակություն
07.01.2026 | 11:47Այս տարվանից աշխատանքային պայմանագրերը կնքվելու են բացառապես էլեկտրոնային տարբերակով։ Ներկայում գործող աշխատանքային պայմանագրերի մուտքագրման հնարավորությունն արդեն առկա է։ «Ինչ վերաբերում է մեծ քանակով աշխատանքային պայմանագրերի մուտքագրմանը, այդ մասով կարող եմ ասել, որ առաջիկայում լինելու է Excel ձևաչափով ներմուծման հնարավորություն»,- այս մասին մամուլի ասուլիսի ժամանակ ասաց «ՋԻ ՍՈԼՅՈՒՇՆՍ» ՊՈԱԿ թվային նախագծերի կառավարման դեպարտամենտի բիզնես վերլուծաբան Աննա Պողոսյանը։
«Համապատասխան կոճակի միջոցով Excel ձևաչափը ներբեռնվում է, լրացվում է տեղեկատվությունը աշխատանքային պայմանագրերի վերաբերյալ և հետ է բեռնվում համակարգ, արդեն աշխատանքային պայմանագրերը ձևավորվում են յուրաքանչյուր աշխատակցի մասով»,- նշեց Պողոսյանը։
ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանի խոսքով՝ կան խմբեր, որոնք շարունակելու են այս համակարգից դուրս իրենց հարաբերությունները ծավալել, օրինակ՝ գաղտնի ծառայության աշխատողները։
Սարգսյանն ընդգծում է՝ հարթակը միայն աշխատանքային պայմանագրերի համար է։
«Հետևաբար, թե՛ քաղիրավական պայմանագրերը, թե՛ կամավոր աշխատանքի մասին պայմանագրերը, թե՛ փորձնակի, թե՛ աշակերտի որևիցե պայմանագիր չի արտացոլվելու այս հարթակում»,- ասաց Սարգսյանը։
Մանրամասները՝ տեսանյութում։
