19.05.2026 | 22:49
Մեքենան դուրս է եկել ճանապարհի երթևեկելի հատվածից և հայտնվել մոտակա ձորակում
Ֆինլանդիայի դատարանն Ադրբեջանի քաղաքացու է կալանավորել․ նա Բալթիկ ծովում մալուխը վնասելու մեջ կասկածվող Fitburg նավի անձնակազմից է
Քաղաքականություն
05.01.2026 | 16:20
Ֆինլանդիայի դատարանը կալանավորել է Ադրբեջանի քաղաքացու՝ Fitburg բեռնատար նավի անձնակազմի անդամներից մեկին, որը մեղադրվում է Հելսինկիի և Տալլինի միջև գտնվող «Էլիսա» մալուխը վնասելու կասկածանքով։ Այս մասին հաղորդում է Yle-ն։
Նավի կալանման մասին հայտարարվել է հունվարի 1-ին։ Հետաքննության տվյալներով՝ նավի վրա եղել է անձնակազմի 14 անդամ՝ Ռուսաստանի, Վրաստանի, Ղազախստանի և Ադրբեջանի քաղաքացիներ։ Բոլորը ձերբակալվել են Ֆինլանդիայի ոստիկանության կողմից, նրանցից չորսին արգելվել է լքել երկիրը։
Ոստիկանությունը հայտարարել է, որ նավից առգրավված նյութերի վերլուծությունը, հավանաբար, կտևի մի քանի շաբաթ։ Նավի վրա քննչական գործողությունները շարունակվում են։
LSEG-ի տվյալներով՝ նավը պատկանում է Fitburg Shipping Company Ltd-ին, իսկ այն կառավարում է Albros Shipping and Trading Ltd-ն։ Այն նավարկում էր Կարիբյան ծովում գտնվող Սենթ Վինսենթ և Գրենադինի դրոշի ներքո։ Մալուխի վնասման պահին Fitburg-ը Սանկտ Պետերբուրգից Իսրայելի Հայֆա էր ուղևորվում։
Սա Բալթիկ և Հյուսիսային ծովերում մալուխների վնասման կամ կտրվելու հետ կապված առաջին միջադեպը չէ, որը կապում են են Ռուսաստանի հետ։ 2024 թվականի դեկտեմբերին Ֆինլանդիայում կալանավորվել էր Eagle S լցանավը, որը Կուկի կղզիների դրոշի ներքո ռուսական նավթ էր տեղափոխում։
Ֆինն քննիչները կարծում էին, որ այն 11,000 կգ կշռող խարիսխը 90 կմ քարշ է տվել Ֆինլանդիայի ծոցի հատակով՝ վնասելով Estlink 2 ֆինն-էստոնական էլեկտրահաղորդման մալուխը և չորս ինտերնետային գծեր։ Նրանց պնդմամբ՝ Eagle S լցանավը «ստվերային նավատորմի» մաս է կազմում։ Արդյունքում, մեղադրանքներ են առաջադրվել նավի հրամանատարին և առաջին օգնականին (Վրաստանի քաղաքացի), սակայն դատարանը մերժել է դրանք։ Դատարանում մեղադրյալները պնդել են, որ նավի խարիսխը աննկատ է ընկել։
2025 թվականի հունվարին էլ Նորվեգիան Լատվիայի խնդրանքով կալանավորել էր Silver Dania նավը՝ ռուսական անձնակազմի հետ միասին։ Նավը կասկածվում էր Լատվիայի և Շվեդիայի միջև ստորջրյա օպտիկամանրաթելային մալուխը վնասելու մեջ։ Silver Dania-ն նավարկում էր Սանկտ Պետերբուրգի և Մուրմանսկի միջև։
