10.10.2026 | 13:16
ԱՄՆ-ն պատրաստակամություն է հայտնել աջակցելու Հայաստանի ԱԱԾ սահմանապահների վերապատրաստմանը
Սպերցյանը 2-րդն է Ռուսաստանի տարվա լավագույն ֆուտբոլիստի քվեարկությունում
22.12.2025 | 17:08
«Կրասնոդարի» կիսապաշտպան, Հայաստանի ազգային հավաքականի ավագ Էդուարդ Սպերցյանը երկրորդ տեղն է գրավել «Спорт Экспресс»-ի կողմից անցկացված Ռուսաստանի տարվա լավագույն ֆուտբոլիստի քվեարկությունում։
25-ամյա ֆուտբոլիստը հավաքել է 153 միավոր։ Առաջին տեղը գրավել է Մոսկվայի «Լոկոմոտիվի» ռուս կիսապաշտպան Ալեքսեյ Բատրակովը՝ 243 միավոր։ Լավագույն եռյակը եզրափակել է Սպերցյանի ակումբակից, կոլումբացի հարձակվող Ջոն Կորդոբան, որը ստացել է 145 միավոր։
«Спорт Экспресс»-ը Ռուսաստանի տարվա լավագույն ֆուտբոլիստի քվեարկությունն անցկացնում է 2016 թվականից։ Քվեարկությանը մասնակցում են Ռուսաստանի Պրեմիեր լիգայի 16 ակումբների մարզիչները և թոփ մենեջերները, «Спорт Экспресс»-ի 16 լրագրողներ և երկրպագուներ։
Ռուսաստանի ընթացիկ առաջնությունում Էդուարդ Սպերցյանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Նա լավագույնն է «Գոլ+ասիստ» հաշվարկով։
