Հարց եմ տալիս ԱԱԾ-ին՝ ո՞ր օրենքով գաղտնազերծեցիք հավաքագրված անձի տվյալները, պարտավոր եք պատասխանել․ Գեղամ Մանուկյան․ ՏԵՍԱՆՅՈՒԹ

Լուրեր

22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
Բոլորը

ՀՀ ԱԺ «Հայաստան» խմբակցության պատգամավոր Գեղամ Մանուկյանը Factor TV-ի հետ զրույցում անդրադարձել է մամուլում տարածված այն տեղեկությանը, թե Ամենայն Հայոց Կաթողիկոսի եղբայրը խորհրդային տարիներին հավաքագրվել է ՊԱԿ-ի (ԿԳԲ) կողմից։ Պատգամավորը պնդել է, որ հրապարակված փաստաթուղթը կեղծիք է և ներկայացրել է իր փաստարկները։

Մանուկյանը նշել է, որ հարցում է ուղարկել ԱԱԾ՝ պարզելու, թե արդյոք նման բլանկներ գաղտնազերծվել են։

«Հարցրել եմ՝ քանի՞ հավաքագրված այսպիսի բլանկ է գաղտնազերծվել․․․ Խնդրել եմ տրամադրել ինձ բոլոր այդ գաղտնազերծվածների տվյալները․․․ Պատասխանն այն է, որ Հայաստանի Հանրապետության ԱԱԾ-ի կողմից որևէ նմանատիպ փաստաթուղթ չի գաղտնազերծվել։ Այսինքն՝ այս թուղթը, որը հրապարակվել է, սա չի կարող իրականություն լինել»,- հայտարարել է նա։

Մանուկյանը վերլուծել է հրապարակված փաստաթուղթը՝ պնդելով, որ դրանում առկա են ձևակերպումներ, որոնք հակասում են խորհրդային տարիներին գործող կարգերին։ Նա վկայակոչել է ՊԱԿ-ի նախագահ Չեբրիկովի 1983 թվականի հրամանը։

«Այստեղ գրված է ազգությունը, հետո՝ քաղաքացիությունը։ Այնինչ Չեբրիկովի հրամանով գրել է՝ սկզբից գրվում է ազգությունը, քաղաքացիությունը, հետո կրթությունը։ Այստեղ հակառակն է։ Ում կողմից է հավաքագրվել՝ «Հովհաննիսյան Վ»․․․Ո՞ր օրենքով է ԿԳԲ-ի սպայի անունը բացահայտվել»,- նշել է նա։

Պատգամավորը նաև ուշադրություն է հրավիրել իր բնորոշմամբ՝ կառուցվածքային անճշտությունների վրա․ «Գրված է «վարչություն», գրված է «5-րդ բաժին»։ Բաժանմունք չկա։ Հայաստանի Սովետական Սոցիալիստական Հանրապետություն չկա։ Կա ևս մի բան՝ այս տառատեսակը, որ դուք տեսնում եք, սա «Արիալ» տառատեսակն է՝ համակարգչային տառատեսակ է։ 86 թվականին համակարգչային տառատեսակ չկար»։

Գեղամ Մանուկյանի գնահատմամբ՝ այս ամենը արվում է քաղաքական նպատակահարմարությունից ելնելով և ուղղված է եկեղեցու ու ընդդիմադիր գործիչների դեմ։

«Իշխանությունը սպասարկող քարոզչամեքենան, քաղաքական նպատակահարմարությունից ելնելով, որը այսօր տեղավորվում է Հայ Առաքելական Սուրբ Եկեղեցու դեմ իշխանության լայնածավալ, տոտալ ֆաշիստական հարձակման մեջ, դիմում է բոլոր կեղծիքներին՝ հեղինակազրկելու, բարոյազրկելու համար»,- հայտարարել է նա։

Անդրադառնալով ՀՅԴ-ին ուղղված մեղադրանքներին ԽՍՀՄ հատուկ ծառայությունների հետ համագործակցած լինելու վերաբերյալ՝ Մանուկյանը հիշեցրել է. «Դաշնակցությանը 134 տարվա ընթացքում մեղադրել են աշխարհի բոլոր մեղքերի մեջ… Դաշնակցությանը մեղադրել հակապետականության մեջ, դա ոչ միայն լկտիություն է, սուտ է, հերյուրանք է, դա ավելին է»։

Հարցազրույցն ամբողջությամբ՝ տեսանյութում։

Ռոբերտ Անանյան