10.10.2026 | 13:16
ԱՄՆ-ն պատրաստակամություն է հայտնել աջակցելու Հայաստանի ԱԱԾ սահմանապահների վերապատրաստմանը
Մոսկվայում մեքենայի պայթյունի հետևանքով մահացել է գեներալ Ֆանիլ Սարվարովը. ՏԵՍԱՆՅՈՒԹ
Քաղաքականություն
22.12.2025 | 11:35
Ռուսաստանի զինված ուժերի գլխավոր շտաբի օպերատիվ պատրաստության վարչության պետ, գեներալ-լեյտենանտ Ֆանիլ Սարվարովը մահացել է Մոսկվայի Յասենևայա փողոցում մեքենայի պայթյունի հետևանքով, հայտնում է Ռուսաստանի քննչական կոմիտեն, գրում է Current time-ը։
Ուժայինների հետ կապված ռուսական Shot տելեգրամ ալիքը հայտնել է, որ մեքենայի պայթյունը, նախնական տվյալներով, առաջացել է ինքնաշեն պայթուցիկ սարքից։ Վարկածներից մեկի համաձայն՝ սարքը պայթել է Kia Sorento-ի շարժվելուց մի քանի վայրկյան անց։ Baza-ի տեղեկացմամբ էլ՝ մեքենան հասցրել է մի քանի մետր անցնել։ Բեկորները վնասել են մոտակայքում գտնվող առնվազն յոթ մեքենա։
Հարուցվել է քրեական գործ՝ Քրեական օրենսգրքի 105-րդ հոդվածի 2-րդ մասի «ե» ենթակետով և Քրեական օրենսգրքի 222.1 հոդվածով (սպանություն, որը կատարվել է ընդհանուր վտանգավոր եղանակով. պայթուցիկ նյութերի անօրինական շրջանառություն):
56-ամյա Ֆանիլ Սարվարովը մասնակցել է Չեչնիայում, Սիրիայում և Ուկրաինայում մարտական գործողությունների:
«Դոժդը» պարզել է, որ Սարվարովի անունով գրանցված է 2013 թվականի Kia Sorento մակնիշի ավտոմեքենա: Նա նաև 2023 թվականից եղել է Մոսկվայի Յասենևայա փողոցում գտնվող բնակարանի մեկ քառորդի սեփականատերը։
Թարգմանությունը՝ Էմմա Չոբանյանի
