19.12.2025 | 22:50
Իսրայելում ՌԴ քաղաքացի է ձերբակալվել Իրանի օգտին լրտեսության մեղադրանքով
Ադրբեջանից Հայաստան է ժամանել նավթամթերքով բեռնված գնացքը
Տնտեսություն
19.12.2025 | 16:20
վՀՀ կառավարությունից հայտնում են, որ Ադրբեջանից Վրաստանի տարածքով Հայաստան է ժամանել նավթամթերքով բեռնված գնացքը:
«Վաշինգտոնում ձեռք բերված պայմանավորվածություններով Հայաստանի և Ադրբեջանի միջև հաստատված խաղաղությունը հերթական արդյունքն է տալիս տնտեսական համագործակցության խթանմամբ:
Նոյեմբերի 28-ին Գաբալայում երկու երկրների փոխվարչապետներ Մհեր Գրիգորյանի և Շահին Մուստաֆաևի հանդիպման ժամանակ ձեռք էր բերվել պայմանավորվածություն, որի համաձայն՝ Հայաստանին է մատակարարվում 22 վագոն բենզին։
Նախաձեռնությունն առանձնապես կարևոր է նաև երկու երկրների միջև փոխվստահության ամրապնդման և խաղաղության օրակարգի առաջմղման համատեքստում»,- ասված է հաղորդագրությունում։
Ավելի վաղ հայտնել էինք, որ Վրաստանը պատրաստակամություն է հայտնել իր տարածքով Ադրբեջանից Հայաստան նավթամթերքի առաջին փոխադրումն անվճար իրականացնել։
