27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Ռուսաստանն ԱՄՆ-ի հետ շփումներ է ծրագրում․ Պեսկով
Քաղաքականություն
18.12.2025 | 16:04
Ռուսաստանը պատրաստում է շփումներ ԱՄՆ-ի հետ՝ Վաշինգտոնից տեղեկատվություն ստանալու ԱՄՆ-ի, Եվրոպայի և Ուկրաինայի ներկայացուցիչների միջև բանակցությունների վերաբերյալ, հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Մենք զբաղվում ենք որոշակի շփումների նախապատրաստմամբ մեր ամերիկացի գործընկերների հետ՝ ամերիկացիների կողմից եվրոպացիների և ուկրաինացիների հետ կատարված աշխատանքի արդյունքների վերաբերյալ տեղեկատվություն ստանալու համար»,- ասել է նա՝ մեկնաբանելով Axios-ի և Politico-ի հաղորդումները, որ ռուս-ամերիկյան շփումները կարող են տեղի ունենալ Մայամիում այս շաբաթ և կիրակի։
Politico-ն, հղում անելով երկու անանուն աղբյուրների, գրել էր, որ Ռուսաստանի և ԱՄՆ-ի պատվիրակություններն առաջիկա հանգստյան օրերին՝ դեկտեմբերի 20-21-ին, Մայամիում բանակցություններ կանցկացնեն Ուկրաինական պատերազմի դադարեցման շուրջ։
Միևնույն ժամանակ, Axios-ը, հղում անելով անանուն ամերիկացի պաշտոնյայի, հաղորդել է, որ Ուկրաինայի և ԱՄՆ-ի միջև բանակցությունների նոր փուլը նույնպես նախատեսված է հանգստյան օրերին՝ Մայամիում: Ակնկալվում է, որ քննարկումներին կմասնակցեն զինվորականներ:
Թարգմանությունը՝ Էմմա Չոբանյանի
