22.02.2026 | 17:28
Խոսակցություններ են տարածվում, որ մարտի 1-ից սկսած կանխիկ վճարումն ընդհանրապես արգելվելու է․ Բաբկեն Թունյանը պարզաբանում է
Փաշինյանը՝ Ադրբեջանից ներկրվող բենզինի մասին․ ՏԵՍԱՆՅՈՒԹ
Քաղաքականություն
18.12.2025 | 15:14
Ադրբեջանի արտադրության նավթամթերքով շարժակազմը արդեն շարժվել է և գալիս է Հայաստան, և ես ողջունում եմ այս զարգացումը։ Այս մասին լրագրողների հետ ճեպազրույցին ասաց վարչապետ Նիկոլ Փաշինյանը։
«Այդ զարգացումը, այսինքն, զուտ առևտուրը տեղի է ունենում մասնավոր ընկերությունների միջև, բայց, իհարկե, Հայաստանի և Ադրբեջանի միջև հաստատված խաղաղությունն է, որ քաղաքական պայմաններ է ստեղծել այդ առևտրի համար։ Իհարկե, նաև քաղաքական մակարդակի պայմանավորվածություններ են եղել, որ հնարավորությունների մասին երկու երկրների գործարար շրջանակները կտեղեկացվեն, և համապատասխան հետաքրքրության առկայության պարագայում նրանք արդեն գործարքներ կկնքեն։ Գործարքը կնքված է, մուտք կգործի Հայաստան»,- նշեց Փաշինյանը։
Վարչապետն ասաց, որ խմբաքանակների վերաբերյալ մանրամասների չի տիրապետում, գիտի, որ մի գնացք է գալիս։
«Ինչ վերաբերվում է հետագա ընթացքին, նաև ես գիտեմ, որ վրացական երկաթուղու սակագնի հետ կապված որոշակի հարցեր կան, և հույս ունեմ՝ այդ հարցերը կամ կկարգավորվեն, կամ եթե չկարգավորվեն, տրամաբանորեն տնտեսվարողները այլընտրանքային կփնտրեն ներմուծումը և արտահանումը ապահովելու»,- ասաց Փաշինյանը։
Հիշեցնենք, որ Հայաստանի և Ադրբեջանի միջև խաղաղության օրակարգին համապատասխան՝ Ադրբեջանից Հայաստան նավթամթերքի արտահանումը կսկսվի դեկտեմբերի 18-ին, գրում են ադրբեջանական լրատվամիջոցները։
Նոյեմբերի 28-ին Գաբալա քաղաքում Ադրբեջանի փոխվարչապետ Շահին Մուստաֆաևի և Հայաստանի փոխվարչապետ Մհեր Գրիգորյանի միջև հանդիպման ժամանակ ձեռք բերված պայմանավորվածության համաձայն՝ այսօր կուղարկվի SOCAR-ի կողմից արտադրված AI-95 բենզինի 22 վագոն։
Նշվում է, որ ադրբեջանական նավթամթերքի արտահանումը Հայաստան զուտ առևտրային բնույթ ունի, և բենզինը կվաճառվի միջազգային շուկայական գներին համապատասխան։
Մանրամասները՝ տեսանյութում։
