29.07.2026 | 10:44
Պատգամավորի թեկնածու Արա Նախշքարյանը ձերբակալվել է ընտրակաշառքին առնչվող գործի շրջանակներում
Դեկտեմբերի 14-ի գիշերը Երևանի հանրային տրանսպորտն ավելի երկար կաշխատի
Հասարակություն
13.12.2025 | 16:15
Դեկտեմբերի 14-ին Երևանի գլխավոր տոնածառի լույսերի վառման տոնական արարողությամբ պայմանավորված՝ հանրային տրանսպորտը Հանրապետության հրապարակի մերձակա փողոցներում` Տիգրան Մեծի և Մաշտոցի պողոտաներում, Խորենացու, Գրիգոր Լուսավորչի և Խանջյան փողոցներում, կաշխատի մինչև դեկտեմբերի 15-ը` ժամը 01:00-ն։
Այս մասին հայտնում է «Երևանի ավտոբուս» ՓԲ ընկերությունը։
Երևանի մետրոպոլիտենից ևս հայտնել են, որ ավելի երկար են աշխատելու։
Factor.am-ի հարցին ի պատասխան Երևանի քաղաքապետարանի աշխատակազմի լրատվության վարչությունից ավելի վաղ հայտնել են՝ բացի այդ, կցուցադրվի ամանորյա մյուզիքլ և տեղի կունենա հրավառություն։
Բացի այս ամենից, քաղաքապետարանից նաև անակնկալ են խոստանում։
Հիշեցնենք, որ Հանրապետության հրապարակն Ամանորին պատրաստելու համար համայքային բյուջեից ավելի քան 607 միլիոն դրամ է հատկացվել։ Երգող շատրվանների տարածքի ձևավորման, Սուրբծննդյան տոնավաճառի կազմակերպման և գլխավոր տոնածառի լույսերի վառման արարողության համար «Ֆակտորի փրոդաքշն» ընկերությանը 340 միլիոն դրամ է հատկացվել։ Գլխավոր տոնածառի ճյուղերն ու լույսերն այս տարի նոր են․ դրանք մատակակարել է «Սինեմարտ» ընկերությունը։
