Զավեշտալի՛ է, թե Արշակ սրբազանը պլան է գցել ինչ-որ մեկի գրպանը․ շինծու գործերը շատ արագ պայթում են․ Տիգրան Աբրահամյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

ՀՀ Ազգային ժողովի «Պատիվ ունեմ» խմբակցության քարտուղար Տիգրան Աբրահամյանի համոզմամբ՝ Հայ Առաքելական եկեղեցու շուրջ գործընթացները ոչ այնքան ներեկեղեցական խնդիր են, որքան իշխանության միջամտություն՝ ուղղորդված կոմպրոմատներով և շանտաժով։ Factor TV-ին տված հարցազրույցում նա անդրադարձել է Գյումրիի Սուրբ Յոթ վերք եկեղեցում տեղի ունեցած պատարագին, որին մասնակցել են նաև մի խումբ եպիսկոպոսներ, որոնք պահանջել են Ամենայն Հայոց Կաթողիկոսի հրաժարականը։

Աբրահամյանը պնդել է, որ պատարագին մասնակցած հոգևորականները խախտել են եկեղեցական կանոնները։ Նա իր ֆեյսբուքյան գրառման մեջ այդ իրադարձությունը որակել է որպես «իրենց հոգևոր եղբայրներին դավաճանած և սեփական ժողովրդին թշնամի հռչակած ուրացողների հավաքական թշվառություն»։ Հարցազրույցում նա հաստատել է, որ այս որակումը վերաբերում է նաև եպիսկոպոսներին՝ նշելով, որ նրանք խախտել են իրենց հավատարմությունը

Նրա խոսքով՝ տեղի ունեցածը դժվար է պատարագ անվանել, քանի որ այն «հակաեկեղեցական մոտեցումներով միջոցառում էր»։ Աբրահամյանը սա համարում է իշխանության կողմից ուղղորդվող գործընթաց։ «Սա ոչ այնքան միջեկեղեցական խնդիր է, որքան այն, որ իշխանությունը կարողացել է որոշ հոգևորականի նկատմամբ կոմպրոմատների, շանտաժի միջոցով հասնել նրանց նկատմամբ վերահսկողության և այդ վերահսկողությունն օգտագործում է իր ներքաղաքական օրակարգը, այս դեպքում՝ Մայր Աթոռի դեմ իրացնելու համար», – նշել է նա։

Աբրահամյանը տարբերակում է դրել հոգևորականի կողմից դիրքորոշում հայտնելու և պետության՝ եկեղեցու գործերին ուղղակիորեն խառնվելու միջև։ «Քրիստոնյան կարող է մասնակցել պատարագի, բայց ոչ թե գնա պարտադրի, թե ինչպես պետք է իրականացվի այն պատարագը, որն, ըստ էության, պատարագ չի դառնում», – ընդգծել է նա՝ իշխանության ներկայացուցիչների գործողությունները որակելով որպես եկեղեցական կանոնները խախտելու փորձ։

Խոսելով Ռոբերտ Քոչարյանի այն դիտարկման մասին, թե աբսուրդ է, երբ կուսակցության ղեկավարը չի գլխավորում ցուցակը, Տիգրան Աբրահամյանը նշել է, որ դա ՀՀԿ-ի ներքին որոշումն է։ Նա հիշեցրել է, որ Սերժ Սարգսյանը հստակ հայտարարել է, որ ընտրական ցուցակ չի գլխավորելու։ «Մեր խնդիրն այսօր Նիկոլ Փաշինյանի հետ է, և ես այստեղ առանձնապես տեղին չեմ համարում մտնելու և այս թեման…», – ասել է նա։

Ըստ Աբրահամյանի՝ ընդդիմադիր դաշտի բոլոր ուժերի հիմնական նպատակը պետք է լինի այն ձայների հետևից գնալը, որոնք դեռևս որևէ մեկին չեն պատկանում, այլ ոչ թե միմյանց հետ մրցակցելը։ «Խնդիրն այն չէ, որ Հանրապետականը երկու-երեք տոկոս ավելի ունենա Ռոբերտ Քոչարյանի գլխավորած դաշինքից կամ հակառակը։ Այստեղ խնդիրն այն է, որպեսզի ընդդիմադիր բոլոր ուժերը միասին ունենան 50%+1%, որպեսզի կարողանան օրվա իշխանությանը հեռացնել պետության ղեկից», – եզրափակել է Տիգրան Աբրահամյանը։

Հարցազրույցն ամբողջությամբ՝ տեսանյութում։

Ռոբերտ Անանյան