31.10.2026 | 17:23
Երևանում բացվել է «ՀայՓաս»-ի երկրորդ գրասենյակը
Մոսկվան ստացել է Ուկրաինայի պլանի հիմնական պարամետրերը Կիևի, ԱՄՆ-ի ու Եվրոպայի ներկայացուցիչների ժնևյան քննարկումից հետո
Քաղաքականություն
28.11.2025 | 13:50
Մոսկվան ստացել է Ուկրաինայի խաղաղության ծրագրի հիմնական պարամետրերը Ժնևում Կիևի, ԱՄՆ-ի և Եվրոպայի ներկայացուցիչների կողմից դրա քննարկումից հետո:Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Հիմնական պարամետրերը փոխանցվել են։ Հաջորդ շաբաթ Մոսկվայում կինի քննարկում»,- ասել է Պեսկովը։
Հարցին՝ ո՞վ պետք է ճանաչի ուկրաինական կարգավորման վերաբերյալ որոշումները՝ առանձին երկրնե՞ր, թե՞ ՄԱԿ-ը, Պեսկովը պատասխանել է․ «Այդ բոլոր նրբությունները կորոշվեն բանակցությունների ընթացքում։ Մենք չենք ուզում առաջ անցնել և քննարկումներ անցկացնել նման հրապարակային ձևաչափով։ Կարծում ենք՝ դա ճիշտ չէ»։
Բացի այդ, Կրեմլի խոսնակին խնդրել են պարզաբանել ՌԴ նախագահ Վլադիմիր Պուտինի այն հայտարարությունը, որ ռազմական գործողությունները կդադարեն, երբ Ուկրաինայի զինված ուժերը դուրս գան իրենց կողմից զբաղեցրած տարածքներից, հարցնելով՝ արդյո՞ք դա վերաբերում է Դոնբասին, Զապորոժիեին և Խերսոնին։
«Մենք հիմա չենք նշի բոլոր մանրամասները։ Նախագահը երեկ կոչ է արել։ Այս ամենը կքննարկվի»,- ընդգծել է նա։
Ավելի վաղ հաղորդվել էր, որ ԱՄՆ նախագահ Դոնալդ Թրամփի հատուկ բանագնաց Սթիվ Ուիթկոֆը հաջորդ շաբաթ կժամանի Մոսկվա։ Պեսկովը նշել է, որ Կրեմլը «ժամանակին կհայտարարի Ուիթկոֆի այցի ճշգրիտ ամսաթիվը»։
Թարգմանությունը՝ Էմմա Չոբանյանի
