Փաշինյանն ասում է՝ պարտությունը մեզ անկախություն է բերել, դա մեծագույն սուտ է, քանդում է մեր ողնաշարը. Մարինե Պետրոսյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Գրող, հրապարակախոս Մարինե Պետրոսյանը Factor TV-ի եթերում անդրադարձել է 44-օրյա պատերազմից հետո իշխող քաղաքական ուժի որդեգրած «Իրական Հայաստան» կոնցեպտին՝ քննադատելով հիմքում ընկած գաղափարախոսությունը։ Խոսելով «Քաղաքացիական պայմանագիր» կուսակցության մասին՝ Պետրոսյանը կարծիք է հայտնել, որ այնտեղ որոշումները կայացվում են միանձնյա, և կուսակցությունն ինքնին գաղափարական հենք չունի։

«Իմ տպավորությամբ՝ ՔՊ ասելն այնքան էլ ճիշտ չէ, ես կարծում եմ՝ այնտեղ ամեն ինչ մեկ մարդ է որոշում։ Իսկ այդ մեկ մարդը, որին գիտեք՝ ով է, և ինքը որոշում է, ինքը չունի ո՛չ հայացքներ, ո՛չ գաղափարներ․․․ Իր նպատակները ոչ գաղափարական են, ոչ գաղափարաքաղաքական, այլ ընդամենը իշխանություն պահելու»,- նշել է հրապարակախոսը։

Անդրադառնալով Նիկոլ Փաշինյանի վարած քաղաքականությանը և պատերազմի հետևանքներին՝ Մարինե Պետրոսյանը սարսափելի է որակել այն թեզը, թե պարտությունն օգնել է Հայաստանին ձեռք բերել անկախություն։ Ըստ նրա՝ դա կեղծիք է, որը քայքայում է ազգային ողնաշարը։
«Ինքը [Փաշինյանը] ասում է՝ այդ պարտությունը լավ բան է, մենք պետք է ուրախանանք, որ պարտվել ենք, որովհետև պարտությունը մեզ անկախություն է բերել։ Դա ամենամեծ, ուզում եմ ասել՝ մեծագույն սուտն է, ինքը քանդում է մեր ամբողջ․․․ մեր ամենակարևոր, մեր ողնաշարն է քանդում»,- ասել է գրողը։

Մարինե Պետրոսյանը հակադարձել է նաև այն պնդումներին, թե Արցախյան շարժումը Հայաստանին կախվածության մեջ է դրել Ռուսաստանից։ Նա շեշտել է, որ 1988-ի շարժումը հենց հակասովետական և հակամոսկովյան բնույթ ուներ, իսկ անկախացումը կատարվել է Արցախով։
«Նիկոլ Փաշինյանը, եթե ինքը ասում է, որ Արցախի շարժումով մենք կախված էինք ռուսներից, ճիշտ հակառակն է ասում իրականությանը։ Արցախյան շարժման ժամանակ երբեք չի եղել Բաքվի դեմ [պայքար], եղել է Մոսկվայի դեմ, որովհետև Մոսկվան էր որոշում ընդունողը»,- ընդգծել է նա։

Խոսելով Թուրքիայի և Ադրբեջանի հետ հարաբերությունների մասին՝ հրապարակախոսը իշխանությունների վարքագիծը որակել է որպես ինքնանվաստացում, որը ներկայացվում է իբրև պրագմատիզմ․ «Ասել, որ ամբողջ Արցախյան շարժումը սխալ էր, որ մենք ատում էինք ձեզ… դա դիվանագիտորեն սխալ է, հետո ամենակարևորը՝ սուտ է։ […] Մենք, դուրս է գալիս, ինչ-որ ֆաշիստներ էինք, մենք ինչ-որ հիմար ազգ ենք, որ մեզ ներկայացնում ենք… Դա նշանակում է՝ մենք հիմարություն ենք արել»,- նշել է Պետրոսյանը՝ հավելելով, որ թուրքերը հիշողություն ունեցող ազգ են և եթե մոռանաս քո պատմությունը, նրանք քեզ չեն հարգի։

Մարինե Պետրոսյանը քննադատել է նաև «լավ ապրելու» զուտ կենցաղային ձգտումը՝ որպես ազգային նպատակ, այն հակադրելով արժանապատիվ գոյությանը։

«Կենդանին սնվում է, բազմանում է, ապրում է, մեռնում է։ Դա կենդանին է… Մարդը մի քիչ ուրիշ բաներ է ուզում։ Այսինքն՝ էն, որ դուք ասում եք՝ լավ ապրել, լավ ապրելը լավ բան է, բայց դրան չպիտի հակադրվեն ազգային քո նպատակները»,- եզրափակել է Մարինե Պետրոսյանը։

Ամբողջությամբ՝ տեսանյութում։
Ռոբերտ Անանյան