07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Ջավոխիր Սինդարովը՝ շախմատի աշխարհի գավաթի հաղթող
26.11.2025 | 16:38
Ուզբեկ գրոսմայստեր Ջավոխիր Սինդարովը նվաճեց Հնդկաստանում ավարտված ՖԻԴԵ-ի շախմատի աշխարհի գավաթի խաղարկության չեմպիոնի տիտղոսը։
Եզրափակիչում 19-ամյա շախմատիստը թայ-բրեյքում հաղթեց չինացի Վեյ Յիին։
Բրոնզե մեդալակիր դարձավ ռուս Անդրեյ Եսիպենկոն, որը երրորդ տեղի համար մրցախաղում հաղթեց ուզբեկ Նոդիրբեկ Յակուբոևին։
Ջավոխիր Սինդարովը, Վեյ Յին ու Անդրեյ Եսիպենկոն նվաճեցին աշխարհի չեմպիոնի Հավակնորդների մրցաշարի մասնակցության իրավունք։
Հիշեցնենք, որ Հայաստանի ներկայացուցիչներից աշխարհի գավաթին մասնակցել էին Գաբրիել Սարգսյանը, Շանթ Սարգսյանը, Ռոբերտ Հովհաննիսյանը և Կարեն Գրիգորյանը, որոնք պարտվել էին նախորդ փուլերում։ Մրցաշարն անցկացվում էր նոկաուտ ձևաչափով: Յուրաքանչյուր փուլում մասնակիցները խաղում էին 2 դասական պարտիա: Եթե գրանցվում էր 1:1 հաշիվը, հաղթողը որոշվում էր արագ և կայծակնային շախմատի թայ-բրեյքում:
