25.08.2026 | 12:58
Մեծ Բրիտանիայի վարչապետը սեպտեմբերին կմեկնի ԱՄՆ՝ համոզելու Թրամփին օգնել Ուկրաինային Patriot-ների զինամթերքով
Մայր աթոռը դատապարտելի է համարում պատարագների ընթացքում Ամենայն Հայոց Կաթողիկոսի անվան չհիշատակումը
26.11.2025 | 15:37
Մայր Աթոռ Սբ Էջմիածնի տեղեկատվական համակարգից հայտնում են, որ Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ 2025 թ. նոյեմբերի 25-ին Մայր Աթոռ Սուրբ Էջմիածնում գումարվել է հայաստանյան եպիսկոպոսների և թեմակալ առաջնորդների ժողով։
«Ժողովին քննարկվեց վերջին շրջանում առանձին հոգևորականների կողմից Սուրբ Պատարագի արարողության ընթացքում Ամենայն Հայոց Կաթողիկոսի և թեմակալ առաջնորդի անունների հիշատակության միտումնավոր զեղչման խնդիրը:
Եպիսկոպոսաց դասը դատապարտելի նկատեց սույն երևույթը՝ արձանագրելով, որ եկեղեցաբանական տեսանկյունից այն հակականոնական է և կարող է հանգեցնել հերձվածի։ Ընդգծվեց, որ նման գործողությունները ենթակա են խստագույն պատժի, եթե եկեղեցականը չզղջա և չսրբագրի իր հակականոնական ընթացքը սահմանված կարգով։
Ժողովը կարևոր նկատեց, որ հոգևորականները չտրվեն պառակտիչ գործողությունների և սադրանքների, պահպանեն միաբանության ոգին՝ հանուն Առաքելական մեր Սուրբ Եկեղեցու անսասանության և առավել զորացման»,- ասված է հաղորդագրությունում։
Հիշեցնենք, որ որ վերջին շրջանում Մայր Աթոռին ընդդիմացած քահանաները պատարագի պարտադիր տեքստից չեզոքացնում են Ամենայն Հայոց կաթողիկոսի ու թեմակալ առաջնորդների անուններըը: Օրինակ նախորդ կիրակի, Արարատի Սուրբ Հակոբ եկեղեցում, ուր պատարագի էր մասնակցում վարչապետը, պատարագող քահանան՝ Տեր Երվանդը երևույթը այսպես բացատրեց. «Վեհափառի անունը չհիշատակելու պատվեր ինձ որևէ մեկը չի տվել, ո՛չ իշխանությունները և ո՛չ էլ իմ առաջնորդը: Ես պարզապես իմ անհամաձայնությունն եմ արտահայտել տիրող անարդարությանը, երկակի ստանդարտներին»:
