31.10.2026 | 16:06
Արթուր Ոսկանյանը, Հովհաննես Հակոբյանն ու Էրիկ Հովսեփյանը՝ ԱԱ բրոնզե մեդալակիրներ
Մեսիի ռեկորդը, գոլն ու 3 ասիստը․ «Ինտեր Մայամին» MLS-ի կիսաեզրափակիչում է․ ՏԵՍԱՆՅՈՒԹ
24.11.2025 | 12:37
Լիոնել Մեսիի արդյունավետ խաղն օգնել է «Ինտեր Մայամիին» դուրս գալ MLS-ի կիսաեզրափակիչ։
Քառորդ եզրափակիչում «Ինտեր Մայամին» հյուրընկալվելիս 4։0 հաշվով վստահ հաղթանակ է տարել «Ցինցինատիի» նկատմամբ։ Աշխարհի չեմպիոն Արգենտինայի հավաքականի ավագը 19-րդ րոպեին բացել է հանդիպման հաշիվը, իսկ երկրորդ խաղակեսում կատարել է 3 գոլային փոխանցում։
38-ամյա Մեսին պատմության մեջ առաջին ֆուտբոլիստն է, որը կարիերայի ընթացքում հատում է 1300 գոլային գործողության շեմը։ Նա խփել է 896 գոլ ու կատարել 404 ասիստ, հայտնում է World Soccer Talk-ը։
Կատալոնական «Բարսելոնայում» արգենտինացին կատարել է 941 գոլային գործողություն, «Ինտեր Մայամիում»՝ 117, ֆրանսիական ՊՍԺ-ում՝ 66, իսկ Արգենտինայի հավաքականում՝ 176։ Մինչև օրս Մեսին անցկացրել է 1 135 հանդիպում։
MLS-ի կիսաեզրափակիչում «Ինտեր Մայամին» կմրցի «Նյու Յորք Սիթիի» հետ։
