16.09.2026 | 14:23
Opta Aanalyst-ը գնահատել է «Արարատ-Արմենիայի» շանսերը Եվրոպա լիգայում. ԼՈՒՍԱՆԿԱՐ
Միշտ ցանկանում ենք հաղթել նույն ձևով․ Հայաստանի հավաքականին 3 գոլ խփած Բրունու Ֆերնանդեշ
17.11.2025 | 13:30
Պորտուգալիայի հավաքականի և անգլիական «Մանչեսթեր Յունայթեդի» կիսապաշտպան Բրունու Ֆերնանդեշն անդրադարձել է ԱԱ-2026-ի եվրոպական գոտու ընտրական մրցաշարի F խմբի վերջին տուրի խաղում Հայաստանի հավաքականի նկատմամբ 9։1 հաշվով վստահ հաղթանակին։
«Մենք միշտ ցանկանում ենք հաղթել նույն ձևով՝ ցուցադրելով համոզիչ խաղ և վերահսկելով հանդիպումը։ Դա միշտ չէ, որ հնարավոր է, բայց այսօր մենք արդյունավետ էինք և հասանք լավ հաղթանակի, ինչն ամենակարևորն էր։ Մենք ոչ միայն պարտություններում ունենք բարելավելու բաներ, այլև՝ հաղթանակներում։ Պետք է աշխատենք այդ ուղղությամբ։ Արդյունքում՝ մենք ուղևորվում ենք աշխարհի առաջնություն»,- Ֆերնանդեշի խոսքը մեջբերում է ՈՒԵՖԱ-ի մամուլի ծառայությունը։
Հիշեցնենք, որ Պորտուի «Դրագաու» ստադիոնում կայացած խաղում Բրունու Ֆերնանդեշը դարձել էր հեթ-տրիկի հեղինակ՝ գոլերից երկուսը խփելով 11-մետրանոց հարվածով։ Դա 31-ամյա ֆուտբոլիստի առաջին հեթ-տրիկն էր Պորտուգալիայի հավաքականում, որը 13 միավորով հաղթել էր F խմբում և նվաճել աշխարհի առաջնության եզրափակիչ փուլի ուղեգիր։ Ընտրական փուլի 6 խաղում Հայաստանի հավաքականը կրեց 5 պարտություն, տարավ 1 հաղթանակ ու 3 միավորով եզրափակեց մրցաշարային աղյուսակը։
