04.08.2026 | 12:46
Հակակոռուպցիոն կոմիտեն հաստատում է․ ձերբակալվել են Էկոպարեկային ծառայության պաշտոնյաներ
Թիվ 1 երթուղին սպասարկող ավտոբուսը քաղաքացու է վրաերթի ենթարկել
Հասարակություն
13.11.2025 | 20:42
Այսօր` ժամը 16:30-ի սահմաններում, Երևանի Մարգարյան փողոցում թիվ 1 երթուղին սպասարկող MAN մակնիշի ավտոբուսը քաղաքացու է վրաերթի ենթարկել: Factor TV-ի տեղեկությունը հաստատեց «Երևանի ավտոբուս» ՓԲԸ-ի խոսնակ Գեղամ Ասատրյանը:
«Թիվ 1 երթուղին սպասարկող ավտոբուսի ոչ թե դիմային, այլ կողային հատվածով է հարվածել քաղաքացուն: Քաղաքացին փողոցը փորձել է հատել չթույլատրված հատվածով: Վարորդը կանգնեցրել է տրանսպորտային միջոցը, տեղում ահազանգել շտապօգնություն և «Երևանի ավտոբուս» ՓԲԸ»,- ասաց Ասատրյանը:
Վրաերթի ենթարկված քաղաքացին միջին ծանրության վնասվածքներ է ստացել և տեղափոխվել է բժշկական կենտրոն` ասաց խոսնակը:
«Դեպքի վայր է ժամանել «Երևանի ավտոբուս» ընկերության անվտանգ երթևեկության ծառայությունը: Տեղում եմ եղել նաև ես, խոսել եմ տուժածի հարազատների հետ, այս պահին այլ մանրանասներ չեմ կարող հայտնել»,- հավելեց նա:
Արփի Հակոբյան
