16.02.2026 | 12:34
Հօգուտ Հայաստանի Հանրապետության՝ կբռնագանձվի 1 միլիոն 600 հազար ԱՄՆ դոլարին համարժեք դրամ. Դատախազություն
ՌԴ-ում անօդաչու համակարգերի նոր զորքեր են կազմավորվել
Քաղաքականություն
12.11.2025 | 12:47
Ռուսաստանի զինված ուժերում ավարտվել է անօդաչու համակարգերի զորքերի ստեղծման գործընթացը։ Այս մասին «Կոմսոմոլսկայա պրավդա»-ին ասել է զորքերի փոխհրամանատար Սերգեյ Իշտուգանովը, փոխանցում է Ինտերֆաքսը։
«Զինված ուժերի նոր ճյուղի կառուցվածքը որոշվել է, նշանակվել է անօդաչու համակարգերի ուժերի ղեկավարը, բոլոր մակարդակներում ստեղծվել են ռազմական կառավարման մարմիններ»,- ասել է նա՝ նշելով, որ ձևավորվել են կազմակերպված գնդեր և այլ ստորաբաժանումներ։
Իշտուգանովի խոսքով՝ անօդաչու համակարգերի ուժերի մարտական աշխատանքները տարվում են միասնական պլանի համաձայն և զորքերի խմբերի մյուս ստորաբաժանումների հետ համակարգված։
2024 թվականի դեկտեմբերին ՌԴ պաշտպանության նախարար Անդրեյ Բելոուսովը հայտարարել էր, որ կստեղծվի զինված ուժերի զորքերի նոր տեսակ՝ անօդաչու համակարգերի ուժեր։
2025 թվականի հունիսին էլ ՌԴ նախագահ Վլադիմիր Պուտինը հայտարարել էր երկրում անօդաչու համակարգերի արագ և բարձրորակ տեղակայման ու զարգացման ապահովման անհրաժեշտության մասին։
Թարգմանությունը՝ Էմմա Չոբանյանի
