19.05.2026 | 14:08
Իրանի խաղաղության նոր առաջարկը ներառում է պատերազմական վնասի փոխհատուցում և ամերիկյան զորքերի դուրսբերում
Վարչապետի աշխատակազմին հատկացվող գումարը 2026-ին կավելանա, նախագահինը և ԱԺ-ինը՝ կպակասեցվի․ ՏԵՍԱՆՅՈՒԹ
Տնտեսություն
29.10.2025 | 11:44
Պետական վերահսկողության ծառայությանն առաջարկվում է հատկացնել 2025 թվականի համար հաստատված բյուջեից 168 մլն դրամով ավելի կամ 1 մլրդ 102 մլն դրամ: Այս մասին ԱԺ մշտական հանձնաժողովների համատեղ բյուջետային նիստում տեղեկացրեց Ֆինանսների նախարար Վահե Հովհաննիսյանը։
Գլխավոր ֆինանսական փաստաթղթով պակասել են Ազգային ժողովին հատկացվող գումարները։
Նախարարի ներկայացմամբ՝ 2026 թվականի համար խորհրդարանին առաջարկվում է հատկացնել նախորդ տարվա համեմատ 68 մլն դրամով պակաս գումար: Բյուջեն կկազմի 7 մլրդ 4 մլն դրամ:
Հովհաննիսյանը նշեց, որ նախագահի աշխատակազմին առաջարկվում է հատկացնել նախորդ տարվանից 40 մլն դրամով պակաս կամ 1 մլրդ 618 մլն դրամ:
Նա նաև հայնեց, որ վարչապետի աշխատակազմի համար նախատեսվել է 1 մլրդ 520 մլն դրամով բյուջեի ավելացում: Այն կկազմի 25 մլրդ 804 մլն դրամ: Ֆինանսական ցուցանիշի ավելացումը, ըստ ֆինանսների նախարարի, հիմնականում պայմանավորված է հաջորդ տարի Հայաստանում պլանավորվող Եվրոպական քաղաքական համայնքի 8-րդ գագաթնաժողովի անցկացման հանգամանքով, ինչպես նաև սննդամթերքի անվտանգության տեսչական ոլորտում լաբորատոր փորձարկումների համար նախատեսվող հավելյալ ծախսերով։
Մանրամասները՝ տեսանյութում։
Մանյա Պողոսյան
