05.10.2026 | 20:12
Արաղչին Միրզոյանին հայտնել է Իրանի պատրաստակամությունը՝ շարունակել բազմակողմ համագործակցությունը, այդ թվում՝ 3+3 ձևաչափով
Սպառողին մի խաբեք, չի կարող գրվել 70 % զեղչ և հազարավոր ապրանքներից մի բանտիկ զեղչեք․ Գևորգյան․ ՏԵՍԱՆՅՈՒԹ
Տնտեսություն
28.10.2025 | 17:37
«Ստեղծել ենք թվային նոր հարթակ, որով սպասարկվում են սպառողի բողոքներն ու ամբողջությամբ թվային տիրույթում իրականացվում է սպասարկումը, սակայն արդեն երկու տարի է՝ սպասարկման համար որևէ գումար հանձնաժողովը չի ստացել»,- այս մասին ԱԺ մշտական հանձնաժողովների համատեղ նիստում ասաց Մրցակցության և սպառողների շահերի պաշտպանության հանձնաժողովի նախագահ Գեղամ Գևորգյանը՝ ներկայացնելով իր ղեկավարած կառույցին հատկացված միջոցները։
Նրա խոսքով՝ բիզնեսը փորձում է բողոքների 90 տոկոսը լուծել առանց վարույթի։
«Երբ տեսնում են, որ սպառողի բողոքը հասցեական է և հիմնավորված, հաճախ արձագանքում են դրական դիրքորոշմամբ, ինչի արդյունքում խնդիրը լուծվում է առանց վարչական վարույթի անհրաժեշտության»,- հավելեց Գևորգյանը։
Ոլորտի խնդիրներից նա մատնանշեց խանութների կողմից հաճախ հայտարարվող զեղչեը։
«Սպառողին մի խաբեք, չի՛ կարող գրվել 70 % զեղչ և հազարավոր ապրանքներից մի բանտիկ զեղչեք։ «Էստի համեցեք»-ի արագ տարբերակն է, ասում են՝ շուտ եկեք առեք, գների բում է և այլն։ Մարդը չի հավատում զեղչին, մտածում է՝ ինչ կա ֆեյք է»,- նկատեց գերատեսչության ղեկավարը։
Մանրամասները՝ տեսանյութում։
Մանյա Պողոսյան
