06.08.2026 | 11:43
Նարեկ Կարապետյանի ճեպազրույցը. ՈՒՂԻՂ
Հակակոռուպցիոն համակարգը շարունակում է ամենափխրունը լինել Հայաստանում, Մոլդովայում և Ուկրաինայում․ Հայկուհի Հարությունյան
Քաղաքականություն
28.10.2025 | 13:52
Արևելյան գործընկերության քաղաքացիական հասարակության ֆորումի անդամ, փորձագետ Հայկուհի Հարությունյանը Հայաստանում ընթացող Եվրանեսթի Խորհրդարանական վեհաժողովի 12-րդ լիագումար նստաշրջանի ժամանակ խոսեց գործընկերության երկրների ինդեքսի մասին։
Նա ընդգծեց՝ միտումներ են տեսնում, որ Վրաստանը շարժվում է Բելառուսի և Ադրբեջանի ուղով, ժողովրդավարական հետընթաց է ցույց տալիս, որը նշմարվել էր 2023-ին և ավելի պարզ երևում է այսօր։
«Երբ խոսում ենք ինդեքսների մասին, ընտրական և ավանդական ինստիտուտները շատ դեպքերում շարունակում են փխրուն մնալ քաղաքական միջամտությունների արդյունքում։ Այդ ինստիտուտները հնարավորություն չեն ունեցել դիմակայելու մարտահրավերներին։ Մյուս կողմից, Մոլդովայում տեղի ունեցած վերջին ընտրությունների ընթացքում հույս ենք ունեցել ժողովրդավարական դիմակայության առումով»,- նշել է նա։
Հակակոռուպցիոն համակարգը, նախկինում Կոռուպցիայի կանխարգելման հանձնաժողովի նախագահի պաշտոնը զբաղեցրած փորձագետի կարծիքով, շարունակում է ամենափխրունը լինել, կա իրավական հիմքերի փխրունություն Հայաստանում, Մոլդովայում և Ուկրաինայում։
Հայկուհի Հարությունյանի խոսքով՝ 2025 թվականի Արևելյան գործընկերության ինդեքսը ցույց է տալիս թե՛ մարտահրավերներ, թե՛ հնարավորություններ։
Մանրամասները՝ տեսանյութում։
Եվգենյա Համբարձումյան
