02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
«Քահանաների մոտ ոստիկանական վերակարգեր են նկատվել, 2 քահանայի նույնիսկ բռնել են»․ Արա Զոհրաբյան
Քաղաքականություն
26.10.2025 | 12:02
Առավոտից Արագածոտնի թեմի բոլոր քահանաների մոտ ոստիկանական վերակարգեր են նկատվել, 2 քահանայի նույնիսկ բռնել են։ Այս մասին լրագրողների հետ զրույցում հայտնեց փաստաբան Արա Զոհրաբյանը՝ հավելելով՝ երբ համոզվել են, որ Օհանավան չեն գալիս, որտեղ գտնվում է Հովհաննավանքը, բաց են թողել։
Փաստաբանը նշեց, որ վանական խորհրդի ատենապետ Տեր Շնորհ աբեղա Պալոյանի հետ են եկել Օհանավան, նա պետք է այսօր պատարագեր, սակայն մեքենայի ընթացքը խոչընդոտվել է։
«Ոտքով եկանք, ոստիկանները, բնակիչների հետ համատեղ ուժերով, կրկին խոչընդոտեցին մեր մուտքը և չթույլատրեցին գնալ Հովհաննավանք։ Ամբողջը մեր կողմից տեսագրվել է։ Հայր Սուրբը, երբ տեսավ այս վիճակն է, հորդորեց բոլորով աղոթք անենք ու բաժանվեցին»,- նշեց Զոհրաբյանը։
Նա հիշեցրեց, որ Արագածոտնի թեմի 3 քահանա հարցաքննության էր կանչվել Քննչական կոմիտե, սակայն չեն գնացել։ Պատճառը, Զոհրաբյանի խոսքով, հարգելի է։
