16.02.2026 | 12:59
Ադրբեջանի քաղհասարակության հետ համատեղ պրոյեկտներ ենք իրականացնելու. Արեգ Քոչինյան․ ՏԵՍԱՆՅՈՒԹ
«Կտեսնենք վեց ամսից». Թրամփը՝ Պուտինի հայտարարության մասին, որ պատժամիջոցները չեն ազդի ՌԴ տնտեսության վրա
Քաղաքականություն
24.10.2025 | 14:09
ԱՄՆ նախագահ Դոնալդ Թրամփը հայտարարել է, որ Ռուսաստանի դեմ իր կողմից սահմանված պատժամիջոցների ազդեցությունը տեսանելի կլինի վեց ամսվա ընթացքում, գրում է Meduza-ն։
«Ես ուրախ եմ, որ նա այդպես է կարծում։ Կտեսնենք, թե ինչ կլինի վեց ամսից»,- ասել է Թրամփը՝ մեկնաբանելով Վլադիմիր Պուտինի հայտարարությունը, որ պատժամիջոցները չեն ազդի Ռուսաստանի տնտեսության վրա։
Սպիտակ տունն ակնկալում է, որ Թրամփի կողմից սահմանված «բավականին լուրջ» պատժամիջոցները ճնշում կգործադրեն Ռուսաստանի վրա և վնաս կպատճառեն նրան, ասել է Սպիտակ տան մամուլի քարտուղար Քերոլայն Լիվիթը։
Նախօրեին Պուտինը, մեկնաբանելով Ռուսաստանի դեմ նոր պատժամիջոցները, հայտարարել էր, որ սահմանափակումները «էական ազդեցություն չեն ունենա երկրի տնտեսության վրա»։
«Իրեն ոչ մի հարգող երկիր երբեք որոշումներ չի կայացնում ճնշման տակ»,- հավելել է նա։
Հոկտեմբերի 16-ին Թրամփը և Պուտինը հեռախոսազրույց էին ունեցել, որից հետո ԱՄՆ նախագահը հայտարարել էր, որ Բուդապեշտում կհանդիպի Ռուսաստանի առաջնորդի հետ։ Սակայն հոկտեմբերի 23-ին Թրամփը հայտարարել է, որ չեղարկում է հանդիպումը։
Պուտինն իր հերթին լրագրողներին ասել է, որ Թրամփը «ավելի շուտ խոսել է հանդիպումը հետաձգելու», քան այն չեղարկելու մասին։
ԱՄՆ ֆինանսների նախարարություն էլ հայտարարել էր Ռուսաստանի դեմ նոր պատժամիջոցների մասին, որոնք Թրամփի նախագահական ժամկետի ընթացքում առաջինն են։ Ռուսաստանի երկու խոշորագույն նավթային ընկերությունների՝ «Լուկօյլը» և «Ռոսնեֆտը» ներառվել են պատժամիջոցների ցանկում։
Թարգմանությունը՝ Էմմա Չոբանյանի
