06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Կրամատորսկում ռուսական ԱԹՍ-ի հարվածի հետևանքով ուկրաինացի լրագրողներ են զոհվել
Քաղաքականություն
23.10.2025 | 15:46
Ուկրաինական Դոնեցկի մարզային վարչակազմի ղեկավար Վադիմ Ֆիլաշկինը հայտարարել է, որ Freedom հեռուստաընկերության լրագրողներ Ալյոնա Գուբանովան (Գրամովա) և Եվգենի Կարմազինը զոհվել են «Լանցետ» անօդաչու թռչող սարքի հարվածից, գրում է BBC-ի ռուսական ծառայությունը։
«Ռուսաստանի լայնածավալ ներխուժման առաջին օրերից նրանք լուսաբանել են տարածաշրջանում տիրող իրավիճակը՝ պատմելով ճշմարտությունը թշնամական հանցագործությունների, խաղաղ բնակիչների տարհանման և մեր պաշտպանների պատմությունների մասին։ Նրանք աշխատել են Դոնբասի ամենաթեժ կետերում և միշտ առաջինն են եղել ամենուր»,- գրել է տարածաշրջանային վարչակազմի ղեկավարը։
Freedom հեռուստաալիքը հաստատել է այս տեղեկությունը, նաև հավելել, որ հատուկ թղթակից Ալեքսանդր Կոլիչևը վնասվածքներով տեղափոխվել է հիվանդանոց: Freedom-ը հաղորդում է, որ հարձակման ժամանակ լրագրողները գտնվել են բենզալցակայանում՝ մեքենայի մեջ:
Ուկրաինայի զանգվածային տեղեկատվության ինստիտուտի տվյալներով՝ ռուս-ուկրաինական լայնածավալ պատերազմի սկզբից ի վեր ծառայողական պարտականությունները կատարելիս զոհվել է 114 ուկրաինացի լրագրող։
Թարգմանությունը՝ Էմմա Չոբանյանի
