01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Էստոնիայի ԱԳՆ-ն ողջունում է ղազախական հացահատիկի Հայաստան ներմուծումը Ադրբեջանի տարածքով
Քաղաքականություն
22.10.2025 | 15:40
Ադրբեջանի նախագահ Իլհամ Ալիևն Էստոնիայի արտաքին գործերի նախարար Մարգուս Ցահքնայի հետ հանդիպմանն անդրադարձել է Հայաստանի հետ հարաբերություններին՝ ընդգծելով ԱՄՆ նախագահ Դոնալդ Թրամփի հատուկ դերն այս հարցում։ Նշելով Վաշինգտոնում կայացած հանդիպմանը ձեռք բերված պայմանավորվածությունների պատմական նշանակությունը՝ Ալիևն անդրադարձել է Ադրբեջանի հիմնական մասի և Նախիջևանի շրջանի միջև տրանսպորտային կապի բացման կարևորությանը։
Էստոնիայի արտաքին գործերի նախարարը շնորհավորել է Ալիևին Վաշինգտոնում Ադրբեջանի և Հայաստանի միջև խաղաղության օրակարգի առաջխաղացման գործում ձեռք բերված հաջողությունների կապակցությամբ։ Նա ընդգծել է, որ Ադրբեջանի տարածքով Ղազախստանից Հայաստան ներմուծվող հացահատիկի տարանցման՝ Բաքվի թույլտվությունը կարևոր քայլ է հայ-ադրբեջանական հարաբերությունների կարգավորման ուղղությամբ։
Նշելով, որ Էստոնիան աջակցում է Ադրբեջանի կապերին Եվրամիության և ՆԱՏՕ-ի հետ՝ էստոնացի պաշտոնյան գոհունակություն է հայտնել Եվրամիության և Ադրբեջանի միջև հարաբերությունների զարգացման դրական դինամիկայի վերաբերյալ։
Թարգմանությունը՝ Էմմա Չոբանյանի
