11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Ձեզ գոհացնելու ձև չկա՞ ընդհանրապես, թե՞ դուք ռեժիմի մեջ եք ու կողմ ըլլալով էլի դեմ եք. Ռուբինյան․ ՏԵՍԱՆՅՈՒԹ
Քաղաքականություն
22.10.2025 | 11:40
«Ադրբեջանից հնչում է ապակառուցողական, թշնամական հայտարարություն, ասում եք՝ ահա, ձեր ամբողջ խաղաղության օրակարգը կեղծ է, քանի որ Ադրբեջանից հնչում են ռազմատենչ հայտարարություններ: Ադրբեջանից հնչում է խաղաղասիրական հայտարարություն, գալիս ասում եք՝ սա այն պատճառով է, որ նվաճողը սիրում է խաղաղություն: Այսինքն՝ ձեզ գոհացնելու ձև չկա՞, թե՞ կա, ուղղակի դուք դասական ռեժիմի մեջ եք,«կողմ ըլլալով դեմ ըլլալն» է ձերը»,- այս մասին ԱԺ նիստի ժամանակ դիմելով ընդդիմությանը՝ հարցրեց ԱԺ փոխխոսնակ Ռուբեն Ռուբինյանը։
Իշխող ուժի ներկայացուցիչն իր ելութում արձագանքեց նաև ընդդիմադիր պատգամավորների դիտարկումներին, որոնք վերաբերվում են Ադրբեջանի տարածքով Ղազախսանից ցորեն ներկրելուն։
«Պարոն Մանուկյանն ասում է, որ ցորենը Իջևան չի գալու, այլ՝ Վրաստան և այդ երկրի տարածքով է հետո ՀՀ մտնելու։ Դուք խոսում եք մի բանի մասին, որը գոյություն չունի․ ի՞նչ Իջևանի երկաթգիծ, ի՞նչ Մեղրիի երկաթգիծ։ Ձեր իշխանության օրոք Մեղրիի երկաթգիծը քանդել են և «մետաղալոմ» են դարձրել»,-ելույթը եզրափակեց Ռուբինյանը։
Մանրամասները՝ տեսանյութում։
Մանյա Պողոսյան
