06.10.2026 | 19:45
«Երևան Մոլ»-ից «Շանթ» ու «Արմենիա TV»․ ինչո՞ւ են Դատախազություն կանչել Միքայել Մինասյանին ու կնոջը․ ՏԵՍԱՆՅՈՒԹ
ՀՀ-ն պաշտոնապես դիմել է ՌԴ-ին, ունենք դրական արձագանք․ Պապոյանը՝ բեռնատարի վարորդների խնդրի մասին
Տնտեսություն
21.10.2025 | 14:17
ՀՀ կառավարությունը պաշտոնապես դիմել է ՌԴ կառավարությանը և առաջարկել է, որ ՌԴ ներքին օրենսդրությամբ սահմանված 90 օրվա սահմանափակումը փոխարինվի 180 օրով: Այս մասին ԱԺ-ում տեղեկացրեց Էկոնոմիկայի նախարար Գևորգ Պապոյանը՝ պատասխանելով բեռնատարների վարորդների բարձրաձայնած խնդրին։
«Նախնական պետք է ասեմ, որ մենք ունենք դրական արձագանք։ ՌԴ մեր գործընկերները համաձայնել են մեր մտահոգությունների հետ, իմ տեղեկություններով՝ արդեն իսկ ՌԴ-ում օրենսդրական նախաձեռնությունը ներքին շրջանառության փուլում է, որը հենց այդ խնդրի լուծմանն է միտված»,- պարզաբանեց Պապոյանը։
Նշենք, որ ՀՀ-ից դեպի ՌԴ բեռնափոխադրումներ իրականացնող վարորդներն առավոտյան փակել են Բագրատաշենի, Գոգավանի անցակետերի բեռնատարների ուղիները։
Հիշեցնենք՝ այս տարվա հունվարի 1-ից առանց վիզային ռեժիմի երկրների քաղաքացիները, որոնք ՌԴ են մուտք գործում ոչ աշխատելու նպատակով, օրացուցային տարվա ընթացքում կարող են մնալ 90 օր (նախկինում թույլատրելի էր տարվա յուրաքանչյուր 180 օրվա մեջ 90 օր)։ Այս փոփոխությունը վերաբերում է նաև ուղևորափոխադրում և բեռնափոխադրում իրականացնողներին։ Վարորդները պնդում են, որ 90 օրը քիչ է, որովհետև թույլատրելի ժամկետի մեծ մասն իրենք կարող են անցկացնել անցակետերում՝ հերթերի մեջ։
Մանրամասները՝ տեսանյութում։
Մանյա Պողոսյան
