03.10.2026 | 17:29
ԱՄԷ-ի գլխավոր դատախազ․ Flydubai-ի երկրորդ օդաչուն ահաբեկչություն էր ծրագրում
Երևանում անց է կացվել բյուջետային ծախսերի վերանայման և ծախսային ծրագրերի գնահատման թեմաներով աշխատաժողով
Տնտեսություն
17.10.2025 | 11:30
ՀՀ ֆինանսների նախարարությունում Նիդերլանդների ֆինանսների նախարարության և Տնտեսական համագործակցության և զարգացման կազմակերպության հետ տեխնիկական համագործակցության շրջանակներում կազմակերպվել է բյուջետային ծախսերի վերանայման և ծախսային ծրագրերի գնահատման թեմաներով աշխատաժողով:
Գերատեսչությունից հայտնում են, որ աշխատաժողովին մասնակեցել են ՀՀ ֆինանսների նախարարության տարբեր վարչությունների և Ազգային ժողովի բյուջետային գրասենյակի աշխատակիցները:
Բյուջետային գործընթացի համակարգման վարչության պետ Ռուզաննա Գաբրիելյանը ՏՀԶԿ ներկայացուցիչներին ծանոթացրել է ՀՀ պետական բյուջեի ծախսային միջոցառումների առաջնահերթությունների գնահատման գործընթացին:
«Դանիայից և Նիդերլանդներից ժամանած փորձագետները ներկայացրել են բյուջետային ծախսերի վերանայման, ինչպես նաև ծախսային ծրագրերի գնահատման վերաբերյալ իրենց երկրների փորձը: ՀՀ մասնագետներին ներկայացվել են նաև բյուջետային գործընթացում հանրային քաղաքականության գնահատման վերաբերյալ Տնտեսական համագործակցության և զարգացման կազմակերպության առաջարկությունները:
Աշխատաժողովը սույն թվականի փետրվար և հունիս ամիսներին կազմակերպված նմանատիպ հանդիպման ամփոփիչ շարունակությունն էր»,- ասված է հաղորդագրությունում։
