ԵԱՀԿ գործող նախագահին Բաքվում ընդունել են Ալիևն ու Բայրամովը

Լուրեր

21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
Բոլորը

ԵԱՀԿ գործող նախագահ, Ֆինլանդիայի արտաքին գործերի նախարար Էլինա Վալտոնենն այցով Բաքվում է։ Նրան ընդունել է Ադրբեջանի նախագահ Իլհամ Ալիևը, հայտնում է նրա մամուլի ծառայությունը։ Հանդիպումից մանրամասներ դեռևս չեն հաղորդվում։

Միաժամանակ, Վալտոնենը X-ի իր միկրոբլոգում նշել է, որ լավ քննարկումներ է ունեցել Ադրբեջանի նախագահ  Իլհամ Ալիևի  և արտաքին գործերի նախարար Ջեյհուն Բայրամովի հետ։

«Շնորհավորում եմ Ձեզ Հայաստանի հետ խաղաղության և հարաբերությունների կարգավորման համաձայնագրերի կապակցությամբ։ ԵԱՀԿ-ն պատրաստ է աջակցել խաղաղության պայմանագրի իրականացմանը և վստահության ամրապնդման միջոցառումներին»,- նշել է նա։

Վալտոնենը հայտնել է, որ Ադրբեջանի քաղաքացիական հասարակության և վերլուծական կենտրոնների ներկայացուցիչների հետ իր հանդիպումը նախատեսված է հաջորդ շաբաթ։ Նա ասել է, որ անհամբեր սպասում է լսել նրանց արժեքավոր կարծիքը մարդու իրավունքների և հիմնարար ազատությունների առաջխաղացման ուղղությամբ աշխատանքի վերաբերյալ։

Ադրբեջանի ԱԳՆ-ն Բայրամովի ու ԵԱՀԿ գործող նախագահի հանդիպման մասին նշում է, որ քննարկվել են Ադրբեջանի և Ֆինլանդիայի երկկողմ հարաբերությունները, Ֆինլանդիայի՝ ԵԱՀԿ նախագահության առաջնահերթ ոլորտները, կազմակերպության առջև ծառացած մարտահրավերները, Ադրբեջանի և ԵԱՀԿ-ի համագործակցության ներկա վիճակը և հեռանկարները, ինչպես նաև հետհակամարտային ​​շրջանում տարածաշրջանում ստեղծված իրավիճակը և Ադրբեջանի և Հայաստանի միջև խաղաղության գործընթացը։

Բայրամովը նաև ֆինն գործընկերոջը տեղեկացրել է տարածաշրջանում տիրող իրավիճակի, գրավյալ Արցախի տարածքներում վերակառուցման և շինարարական աշխատանքների, տեղահանված անձանց վերադարձի միջոցառումների և ականազերծման սպառնալիքի մասին։

Քննարկվել է Ադրբեջանի և Հայաստանի միջև խաղաղության գործընթացը։ Ջեյհուն Բայրամովը նշել է Ադրբեջանի, ԱՄՆ-ի և Հայաստանի առաջնորդների պատմական հանդիպումը Վաշինգտոնում 2025 թվականի օգոստոսի 8-ին և ստորագրված համատեղ հռչակագիրը։ Ըստ ադրբեջանական կողմի հաղորդագրության՝ կողմերն ընդգծել են խաղաղության համաձայնագրի ստորագրման ուղղությամբ հաջորդ քայլերը և, իբր, Հայաստանի Սահմանադրությունում Ադրբեջանի նկատմամբ տարածքային պահանջների վերացման անհրաժեշտությունը։

Նշվել է «Trump Route for International Peace and Prosperity» (TRIPP) նախագծի կարևորությունը տարածաշրջանում տրանսպորտային և տնտեսական կապերի վերականգնման համար։ Կողմերը գովաբանել են ԵԱՀԿ Մինսկի խմբի և դրա  ինստիտուտների գործունեությունը դադարեցնելու որոշումը։

Ավելի վաղ հաղորդվում էր, որ ԵԱՀԿ գործող նախագահ, Ֆինլանդիայի արտաքին գործերի նախարար Էլինա Վալտոնենի այցն Ադրբեջան հետաձգվել է։

Այսօր է հայտնի դարձավ, որ Վրաստանի վարչապետը չի ընդունել ԵԱՀԿ գործող նախագահին, քանի որ նա մասնակցել է երկրի ընդդիմության ցույցին։

Թարգմանությունը՝ Էմմա Չոբանյանի