30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Վրաստանի վարչապետը չի ընդունել ԵԱՀԿ գործող նախագահին, քանի որ նա մասնակցել է երկրի ընդդիմության ցույցին
Քաղաքականություն
15.10.2025 | 11:37
Վրաստանի վարչապետ Իրակլի Կոբախիձեն չեղարկել է Ֆինլանդիայի արտաքին գործերի նախարար, ԵԱՀԿ գործող նախագահ Էլինա Վալտոնենի հետ նախատեսված հանդիպումը։ Այս մասին ասվում է Վրաստանի կառավարության կողմից տարածված հայտարարության մեջ, փոխանցում է վրացական «Առաջին ալիքը»։
«Անօրինական հանրահավաքին մասնակցելու և երեկ արված կեղծ հայտարարությունների կապակցությամբ վարչապետը չեղարկել է Ֆինլանդիայի արտաքին գործերի նախարարի հետ նախատեսված հանդիպումը»,- ասվում է Վրաստանի կառավարության հայտարարության մեջ։
ԵԱՀԿ գործող նախագահ, Ֆինլանդիայի արտաքին գործերի նախարար Էլինա Վալտոնենը երեկ ներկա է եղել Վրաստանի խորհրդարանի դիմաց կազմակերպված հանրահավաքին, զրուցել ցուցարարների հետ։ Նա նաև տեսաուղերձ է հրապարակել սոցիալական ցանցերում Ռուսթավելի պողոտայից։
«Խաղաղ ցուցարարները հավաքվել են Թբիլիսիի խորհրդարանի շենքի դիմաց՝ իրենց մտահոգությունը հայտնելու իրենց երկրի բռնաճնշումների կուրսի վերաբերյալ։ Նրանք ունեն ժողովրդավարության, խոսքի ազատության և մարդու հիմնարար բոլոր իրավունքները։ Մենք այստեղ ենք՝ նրանց աջակցելու համար»,- նշել էր նա X-ի իր միկրոբլոգում։
Թարգմանությունը՝ Էմմա Չոբանյանի
