Թրամփը կրկին հայտարարել է Պուտինից հիասթափության մասին՝ ասելով, թե Ռուսաստանի տնտեսությունը կարող է «հանկարծակի փլուզվել»

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

ԱՄՆ նախագահ Դոնալդ Թրամփը Սպիտակ տանը լրագրողների հետ զրույցում վերահաստատել է՝ հիասթափված է ՌԴ նախագահ Վլադիմիր Պուտինից Ուկրաինայում շարունակվող պատերազմի պատճառով, գրում է DW-ի ռուսական ծառայությունը։

«Լսեք, ես շատ հիասթափված եմ, քանի որ Վլադիմիրի հետ շատ լավ հարաբերություններ ունեինք և, հավանաբար, հիմա էլ դրանք մնում են այդպիսին։ Նա պետք է կարգավորի այս պատերազմը։ Գիտեք՝ հենց հիմա Ռուսաստանում մարդիկ երկար հերթեր են կանգնում բենզինի համար։ Նրա տնտեսությունը կարող է հանկարծակի փլուզվել»,- ասել է Թրամփը։

ԱՄՆ նախագահը նշել է, որ «չգիտի», թե ինչու է իր ռուս գործընկերը շարունակում պատերազմը, որը «շատ բացասական ազդեցություն» է ունեցել իր վրա․ «Նա չորս տարի է, ինչ պատերազմ է մղում, որը պետք է ավարտվեր մեկ շաբաթում: Նա կորցրել է 1,5 միլիոն զինվոր»:

Թրամփը կարծում է, որ հակամարտության շարունակությունը Պուտինին ներկայացնում է «շատ վատ լույսի ներքո»:

«Նա կարող էր դրան վերջ դնել։ Կարող էր այն արագ ավարտել»,- հավելել է ԱՄՆ նախագահը:

Նա նաև հիշատակել է Ուկրաինայի նախագահ Վլադիմիր Զելենսկիի հետ իր առաջիկա հանդիպման մասին, որը Վաշինգտոն կժամանի հոկտեմբերի 17-ին:

«Ես գիտեմ, թե ինչ է նա ասելու: Նա զենք է ուզում: Նա կցանկանար ունենալ Tomahawk: Բոլորն են ուզում: Մենք շատ ու շատ Tomahawk-եր ունենք: Չե՞ք ուզում Tomahawk-եր Արգենտինայում»,- կատակել է Թրամփը՝ դիմելով Արգենտինայի նախագահ Խավիեր Միլեյին, որը նույնպես մասնակցել է մամուլի ասուլիսին:

ԱՄՆ-ի և Ուկրաինայի նախագահները հեռախոսազրույցներ են ունեցել հոկտեմբերի 11-ին և 12-ին։ Զելենսկին հաղորդել է զրույցների մասին՝ երկու հանդիպումներն էլ անվանելով «շատ արդյունավետ»։ Axios-ի փոխանցմամբ՝ հոկտեմբերի 11-ի զրույցի ժամանակ բարձրացվել է Tomahawk հրթիռների հնարավոր մատակարարման թեման։

«Մենք տեսնում և լսում ենք. Ռուսաստանը վախենում է, որ ամերիկացիները կարող են մեզ Tomahawk-եր տրամադրել։ Սա ազդանշան է, որ այս տեսակի ճնշումը կարող է նպաստել խաղաղությանը»,- ասել էր Զելենսկին։

Ըստ լրատվամիջոցների տեղեկությունների՝ Զելենսկին 1250-2500 կմ հեռահարությամբ այդ թևավոր հրթիռների մատակարարումը Թրամփից խնդրել է դեռևս սեպտեմբերի վերջին՝ Նյու Յորքում ՄԱԿ-ի Գլխավոր վեհաժողովի շրջանակում կայացած փակ հանդիպման ժամանակ։ Ուկրաինայի նախագահի խոսքով՝ եթե Ուկրաինայի զինված ուժերը ստանան այդ հրթիռները, դրանք կօգտագործեն միայն ռազմական թիրախների դեմ։

ՌԴ նախագահ Վլադիմիր Պուտինն էլ ասել է, որ Թրամփի որոշումը՝ Ուկրաինային հեռահար հրթիռներ մատակարարել, կհանգեցնի Մոսկվայի և Վաշինգտոնի «հարաբերությունների փլուզման»։

Թարգմանությունը՝ Էմմա Չոբանյանի