24.06.2026 | 15:10
Ավագանու նիստում ծեծկռտուքի փաստով քրվարույթ է հարուցվել // Արցախի դրոշը կրկին հեռացվել է հրապարակից․ ԼՈՒՐԵՐ
Շենգավիթի նախկին թաղապետի խափանման միջոցը փոխվել է․ նա հայտնել է ՔՊ-ից դուրս գալու մասին
Քաղաքականություն
14.10.2025 | 11:31
Շենգավիթի նախկին թաղապետ, ՔՊ-ական Ռազմիկ Մկրտչյանի խափանման միջոց տնային կալանքը փոփոխվել է։ Քննչական կոմիտեից Factor.am-ին հայտնեցին, որ նրա նկատմամաբ կիրառվել են վարչական հսկողություն և բացակայելու արգելք խափանման միջոցները:
Ռազմիկ Մկրտչյանը ֆեյսբուքյան էջում հայտնել է, որ որոշել է դուրս գալ «Քաղաքացիական պայմանագիր» կուսակցությունից։ Մկրտչյանը, սակայն, չի նշել, թե որն է նման որոշման պատճառը։
Նշենք, որ Մկրտչյանը երկու ամսով կալանավորվել էր հունիսի 14-ին, հետո խափանման միջոցը փոփոխվել էր տնային կալանքի։ Մկրտչյանը ձերբակալվել էր Շենգավիթի տարածքային կառավարման խորհրդի նախագահ Տիգրան Մակարյանին ծեծի ենթարկելու և նրա ազատությունը սահմանափակելու համար:
Ռազմիկ Մկրտչյանը ևս այդ խորհրդի կազմում էր։ Factor.am-ը գրել էր, որ Տիգրան Մակարյանը քննադատել է Մկրտչյանի աշխատանքային գործունեությունը և առաջարկել է ՔՊ նիստին քննարկման առարկա դարձնել նրա աշխատանքը, ինչը դուր չէր եկել Մկրտչյանին:
Ձերբալակվելուց օրեր առաջ էլ Մկրտչյանը ֆեյսբուքում գրել էր, որ թողնում է վարչական շրջանի ղեկավարի պաշտոնը՝ պատճառաբանելով, թե որոշումն անձնական խնդիրներով է պայմանավորված:
Նշենք, որ Ռազմիկ Մկրտչյանը Շենգավիթ վարչական շրջանը ղեկավարում էր 2018 թվականից:
Արփի Հակոբյան
