Սնուցող մայրերը Հայաստանի կյանքի գրավիտացիոն կենտրոնն են․ Նիկոլ Փաշինյան

Այսօր «Մեր մանկության տանգոն» էի նայում ու հանկարծ հասկացա, որ Սիրանուշով ամբողջացած է Հայաստանի սնուցող մայրերի կերպարը, ում մասին խոսել եմ ՔՊ 7-րդ Համաժողովի իմ ելույթում։ Այս մասին գրառում է կատարել վարչապետ Նիկոլ Փաշինյանը և կից լուսանկար հրապարակել։

«Սնուցող մայրերը Հայաստանի կյանքի գրավիտացիոն կենտրոնն են. ուժեղ, ապրող, չհանձնվող, ընտանիքի, հայրենիքի, ինքնության ու պետության հենասյուն…»,-նշել է նա։

ՔՊ համագումարի իր ելույթում Նիկոլ Փաշինյանը նշել էր․ «Պիտի խոսեմ 2021թ․ արտահերթ ԱԺ ընտրությունների քարոզարշավի այն տեսարանների մասին, երբ մեր նախընտրական հանրահավաքների առաջին շարքերում տեսնում էի միջինից բարձր բազմաթիվ կանանց։ Արդեն 4,5 տարի դրա մասին մտածելով, չեմ կարողանում գտնել նրանց ամենադիպում բնորոշումը, բառը կամ արտահայտությունը։

Երկար մտածեցի և եկա համոզման, որ ճիշտ բնորոշումը ալմա-մատերն է՝ սնուցող մայր, բայց խոսքն այն մայրերի մասին է, որոնք հաց են դնում ոչ միայն իրենց ամուսնինների ու զավակների, այլև՝ իրենց մեծ գերդաստանների առաջ։ Մեր իրականության մեջ կան այդպիսի բազմաթիվ մայրեր, որոնք գերդաստանների լուռ առանցնքն են, նրանք լուռ են, որովհետև խոսելու ժամանակ չունեն։ Նրանց վրա է գերադաստանի հոգսը, ռազմավարական պլանավորումը։ Լուռ են, որովհետև տոլմա պիտի փաթաթեն, լուռ են, ոովհետև խաշ պիտի դնեն, լուռ են, որովհետև լավաշ ու հաց պիտի թխեն, թթու պետք է դնեն, մուրաբա պետք է եփեն, լուռ են, որովհետև խոսելը երբեմն իմաստ չունի։

Լուռ են, որովհետև ով է իրենց լսելու,  հայկական առածն ասում է՝ ասողին լսող է պետք»,- հայտարարել էր Փաշինյանը՝ նշելով, թե    նախընտրական հավաքներին, երբեմն տան շորերով, մաշիկներով գալիս էին հավաքներին։