19.05.2026 | 14:08
Իրանի խաղաղության նոր առաջարկը ներառում է պատերազմական վնասի փոխհատուցում և ամերիկյան զորքերի դուրսբերում
ՀՀ ԱԳ փոխնախարարն ու Էստոնիայի իր պաշտոնակիցը բարձր են գնահատել երկու երկրի միջև ձևավորված արդյունավետ համագործակցությունը
Քաղաքականություն
10.10.2025 | 20:29
Հոկտեմբերի 9-ին՝ Տալլինի թվային գագաթնաժողովի շրջանակներում, ԱԳ նախարարի տեղակալ Ռոբերտ Աբիսողոմոնյանը հանդիպել է Էստոնիայի ԱԳ նախարարի՝ գլոբալ հարցերով տեղակալ Մինա-Լինա Լինդի հետ: Այս մասին տեղեկացնում են ՀՀ ԱԳՆ-ից՝ նշելով, որ զրուցակիցները բարձր են գնահատել բազմակողմ հարթակներում Հայաստանի և Էստոնիայի միջև ձևավորված արդյունավետ համագործակցությունը և մտքեր են փոխանակել փոխգործակցության խորացման հեռանկարների շուրջ:
«Այս համատեքստում անդրադարձ է կատարվել «Ազատություն առցանց կոալիցիայի» և թվային միջավայրում մարդու իրավունքների խթանման շրջանակներում համագործակցության ընդլայնման հնարավորություններին: Կողմերը վերահաստատել են իրենց պատրաստակամությունը՝ շարունակելու բազմակողմ ձևաչափերում ընդհանուր առաջնահերթությունների առաջմղմանը միտված համատեղ նախաձեռնությունները:
ՀՀ ԱԳ նախարարի տեղակալը ներկայացրել է 2025 թ. օգոստոսի 8-ին Վաշինգտոնում ձեռք բերված համաձայնությունները, ինչպես նաև Հայաստանի ջանքերը՝ ուղղված տարածաշրջանում խաղաղության և կայունության հետագա ամրապնդմանը»,- ասված է հաղորդագրությունում:
