Ռուսական զորքերը զանգվածային հարված են հասցրել Կիևին

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ռուսական զորքերը հոկտեմբերի լույս 10-ի գիշերը անօդաչու թռչող սարքերով և բալիստիկ հրթիռներով զանգվածային հարված են հասցրել Ուկրաինային։ Կիևի քաղաքապետ Վիտալի Կլիչկոյի խոսքով՝ քաղաքի վրա հարձակման հետևանքով վիրավորվել է առնվազն 9 մարդ, գրում է BBC-ի ռուսական ծառայությունը։

«Մայրաքաղաքը գիշերը կրկին ենթարկվել է թշնամական հարձակման։ Քաղաքի մի քանի շրջաններում գրանցվել են բնակելի շենքերի և քաղաքացիական ենթակառուցվածքների վնասներ»,- հայտնել է Ուկրաինայի արտակարգ իրավիճակների պետական ​​ծառայությունը։

Փրկարարների տվյալներով՝ Կիևում բազմահարկ շենքում հրդեհ է բռնկվել բեկորների անկման հետևանքով։

«Քսան մարդ փրկվել է, ինը վիրավորվել է, իսկ հինգը փոխանցվել է բժշկական անձնակազմին։ Պոդոլսկի և Դեսնյանսկի շրջաններում բեկորները թափվել են բաց տարածքում. հրդեհ կամ վնաս չի առաջացել»,- ասվում է հայտարարության մեջ։

Գիշերը Կիևի մարզը ենթարկվել է տարբեր տեսակի հրթիռների և հարձակողական անօդաչու թռչող սարքերի հարձակման: Արդյունքում, Բրովարիի և Բորիսպոլի շրջանների շուրջ 28,000 ընտանիք մնացել է առանց էլեկտրաէներգիայի, գրել է տարածաշրջանային վարչակազմի ղեկավար Նիկոլայ Կալաշնիկը Telegram-ում։ Ըստ նրա՝ կարևորագույն և սոցիալական ենթակառուցվածքների օբյեկտներն աշխատում են գեներատորներով։

Հարձակման հետևանքով վնասվել են նաև Բրովարիի երեք բազմահարկ շենքեր, որտեղ պայթյունի ալիքը կոտրել է պատուհանները։ Նախնական տվյալներով՝ տուժածներ չկան։

Հաղորդվում է, որ Կիևում տուժածների թիվը հասել է 12-ի։

Զապորոժիեում բնակելի թաղամասերի և ենթակառուցվածքների վրա անօդաչու թռչող սարքերի հարվածների հետևանքով զոհվել է յոթ տարեկան երեխա, վիրավորվել է չորս մարդ, այդ թվում՝ տղայի ծնողները, հայտնել է մարզային վարչակազմի ղեկավար Իվան Ֆյոդորովը։

Նրա տեղեկացմամբ՝ վնասվել են 12 բազմահարկ շենքեր, ութ մասնավոր տներ և գազային ենթակառուցվածքների օբյեկտներ, ինչի հետևանքով դժվարություններ են առաջացել գազամատակարարման հետ կապված։

Թարգմանությունը՝ Էմմա Չոբանյանի