19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ՌԴ Բելգորոդի մարզում հրթիռային հարվածի հետևանքով երեք մարդ է զոհվել․ ՏԵՍԱՆՅՈՒԹ
Քաղաքականություն
08.10.2025 | 13:21
Ուկրաինական ուժերը հրթիռային հարված են հասցրել Բելգորոդի մարզի Շեբեկինսկի շրջանին։ Այս մասին հայտնել է մարզի նահանգապետ Վյաչեսլավ Գլադկովը, գրում է Meduza-ն։
Նրա տեղեկացմամբ՝ հարվածի հետևանքով Մասլովա Պրիստան գյուղում մասամբ ոչնչացվել է սոցիալական օբյեկտ։ Նախնական տվյալներով՝ զոհվել է երեք մարդ, մեկը՝ վիրավորվել։
«Արտակարգ իրավիճակների նախարարության աշխատակիցներն ու ինքնապաշտպանության ուժերն արդեն դեպքի վայրում են և մաքրում են փլատակները։ Հնարավոր է՝ փլատակների տակ մարդիկ լինեն»,- գրել է Գլադկովը տելեգրամում։
Mash և Shot տելեգրամ ալիքները պնդում են, որ հարված է հասցվել ֆիզիկական դաստիարակություն և առողջության կենտրոնին։ Զոհերը, ըստ աղբյուրների, մարզական կենտրոնի աշխատակիցներ են։
Ռուսաստանի պաշտպանության նախարարությունն էլ հայտարարել է, որ գիշերը ՀՕՊ համակարգերը խոցել են ուկրաինական 53 անօդաչու թռչող սարք։ Նախարարության տվյալներով՝ Բելգորոդի մարզում խոցվել է 28 անօդաչու թռչող սարք, Վորոնեժի մարզում՝ 11, Ռոստովի մարզում՝ 6, Բրյանսկի և Կուրսկի մարզերում՝ 2-ական, Լիպեցկի, Տամբովի, Սմոլենսկի և Նիժնի Նովգորոդի մարզերում՝ 1-ական։
Թարգմանությունը՝ Էմմա Չոբանյանի
