04.06.2026 | 20:07
ՊՆ-ն պարզաբանում է սահմանային անցակետերում ռազմական ոստիկանության ներկայության նպատակը
Նոյեմբերի 9-ը երազանքի փաստաթուղթ է. Ռոբերտ Քոչարյան․ ՏԵՍԱՆՅՈՒԹ
Քաղաքականություն
07.10.2025 | 12:09
«Եթե նոյեմբերի 9-ի փաստաթուղթը համեմատենք այսօր եղածի հետ, այն երազանքի փաստաթուղթ նույնիսկ կարելի է անվանել»,- այս մասին ասուլիսի ժամանակ ասաց ՀՀ երկրորդ նախագահ Ռոբերտ Քոչարյանը։ Ըստ նրա՝ 2020-ի նոյեմբերի 9-ի փաստաթուղթը ենթադրում էր Արցախի հարցի գոյություն։
«ԱՄՆ-ն այն երկիրը չէ, որի հետ կարելի է ստորագրել մի փաստաթուղթ և 2 ամիս կամ 6 ամիս հետո չեղարկել, ասել՝ չենք ընդունում։ Բավական դժվար է։ Դա չի նշանակում, որ ԱՄՆ-ն ինչ ասի, պետք է անես։ ԱՄՆ-ը կտրուկ դեմ էր Իրան-Հայաստան գազամուղի կառուցմանը, բայց մենք կառուցեցինք։ Մի քանի պատվիրակություն եկել էին Հայաստան ինձ հասցնելու համար այն հանգամանքը, որ իրենք դեմ են։ Մենք կառուցել ենք և պահպանել ենք ԱՄՆ-ի հետ լավ հարաբերությունները, նույնիսկ Հազարամյակների ծրագրի մեջ ներառված էր Հայաստանը։ Ավելի ճիշտ ձևը, դիվանագիտական ձևը ոչ թե ասել՝ մենք սա չենք ընդունում, այլ փորձել պրոյեկտը մեծացնել, ԱՄՆ-ին ցույց տալ իր հետաքրքրվածությունը ավելի մեծ պրոյեկտի մեջ»,- հավելեց Ռոբերտ Քոչարյանը։
Ուշագրավ է, որ խորհրդարանական ընդդիմությունը, այդ թվում՝ Քոչարյանի ղեկավարած «Հայաստան» դաշինքի պատգամավորները Նոյեմբերի 9-ի համաձայնագրի կնքումից հետո պնդում էին, որ այն կապիտուլյացիոն փաստաթուղթ է։
Մանրամասները՝ տեսանյութում։
Մանյա Պողոսյան
