05.10.2026 | 20:26
Հայաստանի Մ-21 հավաքականն ընդհատեց պարտությունների շարքը
Անհետ կորածների հարազատների՝ ՊՆ-ի շենքի դիմաց կազմակերպած ակցիայից հետո 2 անձ ձերբակալվել է
Հասարակություն
06.10.2025 | 17:21
Սեպտեմբերի 29-ին անհետ կորածների հարազատների՝ ՊՆ-ի շենքի դիմաց կազմակերպված ակցիայից հետո քրեական վարույթ է նախաձեռնվել, նախաքննության ընթացքում 2 անձ ձերբակալվել է: Այս մասին Factor.am-ին հայտնեցին Քննչական կոմիտեից։
«Վերջիններիս նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 3-րդ մասով (խուլիգանությունը) և 452-րդ հոդվածի 1-ին մասով (պաշտոնատար անձի օրինական ծառայողական կամ քաղաքական գործունեությանը միջամտելը)»,- մանրամասնեցին իրավապահ կառույցից։
Հիշեցնենք, որ սեպտեմբերի 29-ին անհետ կորածների մի խումբ հարազատներ հավաքվել էին ՊՆ շենքի դիմաց: Նրանք պահանջում էին հանդիպում ԳՇ պետ Էդվարդ Ասրյանի, Կամո Վարդանյանի, Հետախուզության նախկին պետի հետ։ Ակցիայի ժամանակ իրավիճակը լարվել էր և քաշքշուկ էր տեղի ունեցել ռազմական ոստիկանների և անհետ կորածների հարազատների միջև:
Մանյա Պողոսյան
