07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Թրամփն ու Էրդողանը հեռախոսազրույց են ունեցել
Քաղաքականություն
03.10.2025 | 20:42
Թուրքիայի նախագահ Ռեջեփ Թայիփ Էրդողանը այսօր հեռախոսազրույց է ունեցել ԱՄՆ նախագահ Դոնալդ Թրամփի հետ։ Այս մասին հայտնում է Թուրքիայի նախագահականի հաղորդակցության վարչությունը`նշելով, որ զրույցը տեղի է ունեցել ամերիկյան կողմի նախաձեռնությամբ։
Զրույցի ընթացքում քննարկվել են Թուրքիայի և ԱՄՆ-ի միջև երկկողմ հարաբերությունները, ինչպես նաև Գազայի հատվածում ստեղծված իրավիճակը։
Էրդողանը հայտարարել է, որ Վաշինգտոն կատարած իր այցը ավելի է ամրապնդել թուրք-ամերիկյան հարաբերությունները, և կարևոր է քայլեր ձեռնարկել երկու երկրների միջև բոլոր ոլորտներում, մասնավորապես, պաշտպանական արդյունաբերության ոլորտում, համագործակցությունն ամրապնդելու համար։
Թուրքիայի նախագահը նաև նշել է, որ Անկարան ինտենսիվ ջանքեր է գործադրում տարածաշրջանում` մասնավորապես Գազայում, խաղաղություն և անդորրություն ապահովելու համար, և որ ողջունում են այս նպատակին ուղղված նախաձեռնությունները։
«Նախագահ Էրդողանը շեշտել է, որ Թուրքիան ակտիվացրել է իր դիվանագիտական կապերը՝ խաղաղություն հաստատելու համար, որ շարունակելու է իր ներդրումը ունենալ համաշխարհային խաղաղության տեսլականում, և Իսրայելի հարձակումների դադարեցումը կարևոր է տարածաշրջանում խաղաղության ջանքերի հաջողության համար», – ասվում է հայտարարության մեջ։
Հիշեցնենք, որ սեպտեմբերի 25-ին Սպիտակ տանը Էրդողանը հանդիպել էր Դոնալդ Թրամփի հետ։
Թարգմանությունը` Էմմա Չոբանյանի
