29.06.2026 | 10:35
Փրկարարները Փամբակ գետում հայտնաբերել են հունիսի 27-ից որոնվող տղամարդու դին
Ուկրաինան և Ռուսաստանը ռազմագերիների են փոխանակել «185-ը 185-ի դիմաց» բանաձևով
Քաղաքականություն
02.10.2025 | 18:00
Ռուսաստանի պաշտպանության նախարարությունը հոկտեմբերի 2-ին հայտարարել է, որ Մոսկվան ու Կիևը ռազմագերիների փոխանակում են իրականացրել։ ՌԴ-ն Ուկրաինայի զինված ուժերի 185 զինծառայողի է փոխանցել, իսկ Ուկրաինան՝ 185 ռուս զինծառայողի։ Ռուսական կողմը նաև նշել է, որ Ռուսաստան է վերադարձել 20 քաղաքացիական անձի։
Ուկրաինայի նախագահ Վլադիմիր Զելենսկին հաստատել է գերիների փոխանակումը։
Նա հայտնել է, որ գերիերից 183-ը շարքայիններ և սերժանտներ են, իսկ երկուսը՝ սպաներ։ Նրանք Ուկրաինայի զինված ուժերի, Ազգային գվարդիայի և Պետական սահմանապահ ծառայության զինծառայողներ են։ Նրանց հետ վերադարձել է 20 քաղաքացիական անձ։
«Նրանց մեծ մասը գերության մեջ էր պահվում 2022 թվականից և այժմ վերջապես տանն են։ Շնորհակալություն բոլոր նրանց, ովքեր հնարավոր են դարձնում այս փոխանակումները։ Լայնածավալ ներխուժման սկզբից ի վեր մենք արդեն կարողացել ենք տուն վերադարձնել մեր ավելի քան 7000 մարդկանց։ Մենք պետք է բոլորին վերադարձնենք։ Մենք ամեն օր աշխատում ենք այդ ուղղությամբ»,- գրել է Զելենսկին տելեգրամի իր ալիքում։
Նախորդ փոխանակումը տեղի էր ունեցել օգոստոսի վերջին, երբ 146 ռազմագերի էր վերադարձել Ուկրաինա և Ռուսաստան։
Թարգմանությունը՝ Էմմա Չոբանյանի
