17.03.2026 | 21:10
Հայաստանի մի շարք հասցեներում էլեկտրաէներգիայի անջատումներ կլինեն
Մարմարայում 5 մագնիտուդով երկրաշարժ է տեղի ունեցել, որը զգացվել է նաև Ստամբուլում. ՏԵՍԱՆՅՈՒԹ
Քաղաքականություն
02.10.2025 | 18:50
Ստամբուլում տեղի ժամանակով 14:55-ի սահմաններում երկրաշարժ է տեղի ունեցել։ EMSC-ի՝ երկրաշարժերի մասին իրական ժամանակի տեղեկատվություն տրամադրող անկախ գիտական կազմակերպության տվյալներով՝ երկրաշարժը զգացվել է Մարմարա Երեղլիսի (Թեքիրդաղ) կենտրոնից մոտավորապես 20 կիլոմետր հեռավորության վրա։
Թուրքիայի Աղետների և արտակարգ իրավիճակների կառավարման վարչությունը (AFAD) հայտարարել է, որ երկրաշարժի ուժգնությունը կազմել է 5,0 բալ, իսկ խորությունը՝ 6,71 կիլոմետր։
Ստամբուլում երկրաշարժը բավական ուժգին է զգացվել։ Մարդիկ դուրս են եկել փողոցներ։
Ստամբուլի նահանգապետ Դավութ Գյուլը նշել է, որ «5.0 մագնիտուդով երկրաշարժից հետո Ստամբուլում որևէ վնասի մասին դեռևս չի հաղորդվել»։
Թարգմանությունը՝ Էմմա Չոբանյանի
