10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
«Հանրապետություն» կուսակցությունը կմասնակցի Վաղարշապատի ընտրություններին․ հայտնի է թեկնածուի անունը
Քաղաքականություն
01.10.2025 | 16:51
«Հանրապետություն» կուսակցությունը մասնակցելու է Վաղարշապատ խոշորացված համայնքի ավագանու նոյեմբերի 16-ի ընտրություններին․ այս մասին հայտարարություն է տարածել «Հանրապետություն» կուսակցության քաղաքական խորհուրդը։
«Մենք թույլ չենք տա, որ գյուղ առ գյուղ, քաղաք առ քաղաք ռուսահպատակները փորձեն Հայաստանի Հանրապետությունը տանել միութենական պետություն: Հայաստանի անվտանգությունը և անկախությունը վաճառքի ենթակա չեն:
Վաղարշապատը Գյումրի 2 չի դառնալու»,- ասված է հաղորդագրությունում։
Քաղաքագետ Հարություն Մկրտչյանն էլ գրառմամբ տեղեկացրել է, որ «Հանրապետություն» կուսակցության ցուցակը ինքն է գլխավորելու։
«Ցուցակը կգլխավորեմ ես։ Գյումրի 2 թույլ չենք տալու։ Լավ ա լինելու ժողովուրդ ջան»,- գրել է Մկրտչյանը։
Ավելի վաղ «Ժառանգություն» կուսակցությունն էր հաստատել Արկադի Փայտյանի առաջադրումը՝ որպես Վաղարշապատի քաղաքապետի թեկնածու։
«Հայրենիք» կուսակցությունը ևս հայտարարել էր Վաղարշապատի ավագանու արտահերթ ընտրություններին մասնակցելու մասին: Կուսակցության ղեկավար Արթուր Վանեցյանը ֆեյսբուքյան իր էջում լուսանկար էր հրապարակել բանաստեղծ Խաչիկ Մանուկյանի հետ, որի որդին զոհվել է 44-օրյա պատերազմում և գրել. «Հայաստանի հոգևոր մայրաքաղաքի ընտրություններին ընդառաջ։ Աստծով»։
