01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Ուկրաինան հայտնել է FPV ԱԹՍ-ով ռուսական Մի-8 ուղղաթիռ խոցելու մասին, որի արժեքն ավելի քան 10 մլն դոլար է․ ՏԵՍԱՆՅՈՒԹ
Քաղաքականություն
29.09.2025 | 15:31
Ուկրաինացի զինվորականները, օգտագործելով փոքր FPV անօդաչու թռչող սարք, կարողացել են ոչնչացնել ռուսական հարվածային ուղղաթիռ, որի արժեքը գերազանցում է 10 միլիոն դոլարը: Այս մասին գրում է ՌԲԿ Ուկրաինան՝ հղում անելով Ուկրաինայի ԶՈՒ անօդաչու համակարգերի ուժերի տելեգրամ ալիքին։
Զինվորականների տվյալներով՝ միջադեպը տեղի է ունեցել Կոտլյարովկա գյուղի մոտակայքում։ Այնտեղ անօդաչու համակարգերի 59-րդ առանձին «Տափաստանային գիշատիչներ» գրոհային բրիգադի օպերատորները ոչնչացրել են տրանսպորտային և հարվածային ուղղաթիռը FPV անօդաչու թռչող սարքի միջոցով։ Խոսքը Մի-8 ուղղաթիռի մասին է։
Միևնույն ժամանակ, Յակով Գանձյուկի անվան 59-րդ առանձին օդային գրոհային բրիգադի անօդաչու համակարգերի գումարտակը բացահայտել է գործողության այլ մանրամասներ։
«Այսօր մենք ավելացրել ենք մեր «գեր» թիրախների հավաքածուն։ «Բալթիկա» անձնակազմը ոչնչացրել է ռուսական Մի-8 հարձակողական ուղղաթիռ, որի արժեքն ավելի քան 10 միլիոն դոլար է։ Նրանք դա արել են ընդամենը 500 դոլար արժողությամբ փոքր FPV անօդաչու թռչող սարքի միջոցով»,- ասվում է տեսանյութին կից գրառման մեջ։
Նշվում է, որ այս գործողությունն իրականացվել է հետախուզության, շտաբի և օդաչուների համակարգված համագործակցության շնորհիվ։
Թարգմանությունը՝ Էմմա Չոբանյանի
